福丼 (Closed)

同fd去青衣城行街,lunch時間,唔知食咩好,又想平平地又唔熱氣,於是揀左間日式野~!個感覺好似別府,原來真係同一個集團~!lunch時間喱個價差唔多啦!熱咖啡,淡而冇味,唔洗飲!牛肉溫泉蛋讚歧手打烏冬鍋~個賣相好吸引,特別係個溫泉蛋,加上夠熱,岩晒咁凍之下食~!雖然唔太好烏冬,不過讚岐烏冬我ok既,因為夠滑又唔黏口,個湯底唔算好咸都可以,不好油下,可能因為d肥牛,牛肉份量都幾多,溫泉蛋又正,唔錯呀~!fd既三文魚牛油果弁當,試左個海鮮野菜餅,幾好味~!估唔到幾好食,價錢都ok,tea time原來更加平,之後行下個場,見到有別府,原來d set都一樣呀haaaaaaaaa,下次可去別府食,不過唔知係味每間分店味道一樣了,有時會唔同~!