舍利鮨 (Closed)

餐廳叫舍利鮨，十分搞笑🤣雖然係咁，食物質素係絕無嬉場！環境寬敞，空間感強。座位雖係吧枱，但都幾舒適～睇住師傅切魚生嘅感覺就好似睇表演咁，好治癒🤩北海道仙鳳趾生蠔質地奶滑，表面有啲醋啫喱，更能突出到生蠔本身嘅鮮甜。整體口感清新爽口，有驚喜‼️時不知野生三文魚刺身肉質豐潤細綿，油脂芳香，簡直一口驚艷‼️脂豐油潤得嚟又唔油膩～入口肉彈，口感細緻。鱧魚天婦羅口感先係酥脆，繼而嫩滑～肉質肥美，味道帶梅香😋赤貝刺身色澤亮麗😍稍微沾少許醬油送入口，海水同鮮甜味十分濃郁～外層爽脆，內裡貝肉竟係軟嫩，口感配合得十分巧妙！🙌🏻