別府駅前料理 (青衣城1) (Closed)

呢幾日好攰，老公捉左我去按摩，按完之後，行過青衣城，咁就食埋野先翻屋企，行呀行，入左別府到食，所有圖片都好靚，最後叫左個壽喜鍋，足足等左20分鐘有多，好啦，黎到見到得2塊牛肉，少少菜，個鍋好細，入面除左牛肉，仲有，娃娃菜，金菇，兩粒豆腐，兩塊紅蘿蔔，一隻生蛋，就係咁啦，個爐又慢，等左起碼15分鐘先有少少滾。牛肉都嫩，又唔太肥，不過只係得兩塊咁大把。菜唔新鮮，仲要有黑點，金菇正常，豆腐好滑，湯底正常，都係少少甜，不過分量真係好細，連我老公碗拉麵都得好少，我個鍋未黎，佢已經食完。侍應人數唔夠，等好耐先有人落單。