CIAK - All Day Italian (太古城中心) (Closed)

聽聞CIAK - All Day Italian係本港其中一間米芝蓮餐廳，就等我今晚試試佢威力😎講返少少餐廳背景先，佢取名“All Day Italian”係想客人可以喺到試到各款意式美食。憑住哩個意念，佢哋嘅餐點設計同餐廳氛圍都係採用“意”國風情，當中更有唔少外籍員工添！而聽聞佢哋嘅麵包、餅底同意粉都係自家製做，作為澱粉迷嘅我當然要點返相關菜式啦🤣當晚我哋就叫左茄汁八爪魚、芝士風乾火腿pizza同羊架。 一入座，侍應就送上一碟餐包，入口有驚喜，溫度、口感同用料足以令佢贏在起跑線上～落完order冇耐，菜餚便陸續送上。八爪魚係前菜，當中有三塊薄脆多士作伴碟，汁底由茄醬同龍蝦汁混合而成，馥郁濃厚，同伴碟多士巧成絕配，而主角八爪魚為原隻上，原隻烹調不僅鎖住鮮味，佢腦袋盛載滿滿嘅醬汁，猶如醬爆牛丸般一咬爆汁，甚為過癮😄至於pizza，佢嘅餅底都係自家製，口感及用料同餐包同出一轍，四款意式芝士為base外加數塊風乾ham，批邊酥脆、芝味四溢、火腿鹹香，冇得輸啦～而羊架我哋揀左medium，唔會大滲血水亦唔會過熟而嚡到打渣，肉質方面都冇冰鮮過嘅霉感，辟臊方面都處理妥當。總結而言，優質嘅客服、上盛