Video
Read full review
2012-06-28
48 views
父親節翌日, 一家四口來這裡食飯, 我都叫左我細佬book位架啦, 佢又話唔駛, 話 d 人尋晚食哂啦, 今日星期一應該冇乜人掛? 點知七點半去到, 門口都有一堆人, 諗住為有排等, 點知都係等左 15 分鐘倒, 算 ok 啦, 但係上到樓上, 見到有幾張吉台架.... 坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講睇過哂食評先黎既, 我地叫左 d "聽聞" 係必叫的.....乳豬例牌 - 皮脆肉嫰, 又唔會太肥, 好味~ 如果多人叫一隻仲正, 成隻豬上個 feel 好好多 蓮藕餅 - 冇介紹錯, 香口, 爽口, 又唔會太油, 好味~菜乾豬肺湯 - 好好飲喎! 個湯好甜好夠味, 又有白菜乾的香味又有豬肚的香味, 比想象中好, 湯渣另外仲有豉油呢下幾細心, d 豬肺我都有食, 平時我
坐低左之後, 環境都ok, 一般舊色酒樓/飯店咁既格局, 侍應都係一般舊色酒樓/飯店咁既侍應......不過態度唔錯, 我地張台對到正風口, 吹到我地頭暈, 咁我地就話唔坐呢張, 如果冇台我地寧願落去再等過. 咁跟住佢地又搵到張角落頭位 (同隔黎台逼逼地) 比我地, 咁都冇所謂, 唔好吹到正就ok, 搞左一輪 d 侍應都冇話唔耐煩咁, 都仲同我地有傾有講
睇過哂食評先黎既, 我地叫左 d "聽聞" 係必叫的.....
乳豬例牌 - 皮脆肉嫰, 又唔會太肥, 好味~ 如果多人叫一隻仲正, 成隻豬上個 feel 好好多
蓮藕餅 - 冇介紹錯, 香口, 爽口, 又唔會太油, 好味~
菜乾豬肺湯 - 好好飲喎! 個湯好甜好夠味, 又有白菜乾的香味又有豬肚的香味, 比想象中好, 湯渣另外仲有豉油呢下幾細心, d 豬肺我都有食, 平時我唔食架, 因為聽講好多時會臭, 但呢度的豬肺有豬肺的香味但冇臭味, good!
然後又叫左...
海鮮雜菜煲 - 唔錯, 清清地, 仲有珊瑚蚌
小唐菜魚卜 - 唔記得佢 officialy 個名係乜, 有小唐菜, 有魚卜, 仲有 d 海蔘添, 呢個唔錯, 清清地, 魚卜同海蔘都好淋, 不過就唔多夠味
成餐飯最正的就係......
砵酒焗生蠔 - 本來我叫薑蔥生蠔, 因為我本身好鐘意食薑蔥, 點知呀姐話... 叫砵酒啦, 呢個好食好多架, 仲話 75% 的人都叫砵酒架! 咁我地就信佢啦, 哈哈, 點知真係好好食喎, 個面有少少香脆, 蠔味濃郁, 裡面仲有汁 juicy添~~ 五送一湯, 埋單六百幾蚊, 都ok抵食! 質素比起一般酒樓好, 有機會都會再去 (記得book台)
Other Info. :
補充一句, 唔知係咪因為 "父親節週" 的關係 (而家一般酒樓, 係節日的前後兩個星期都會當係節日咁計) 我地見到個餐牌係得好少選擇, 仲有 d 父親節的套餐, 所以我都唔知價錢會唔會比起平日貴些... 或者選擇應該係少左?
(The above review is the personal opinion of a user which does not represent OpenRice's point of view.)
Post
