上海婆婆 (V City)

Open Now

Now Closed

好耐以前都食過上海婆婆嘅其他分店，見商場新開了就試試。每枱都有一個熱水壺，裝住有茶色嘅水，無錯，呢壺可說是水，完全沒有茶味，睇了餐牌，發覺涼菜類價格都幾高，所以唔打算叫，最後叫了生煎包、嫩雞煨麵同農家小炒肉。嫩雞煨麵先到，啲麵有少部分仲痴埋一舊舊，明顯廚房煮嘅時候沒有極鬆，麵亦不是煨麵般嘅質地，湯味淡。農家小炒肉，賣相同味道都極似回鍋肉，只是少了回鍋肉嘅配料-竹筍，味道濃偏咸，但碟頭細，以價錢來講屬於貴。最後嘅生煎包，一見到賣相就知係先蒸熟再煎，完全不是生煎，一夾起個底是軟軟的，即是話根本沒有煎脆，底部只係微微金黃色，都不要期望有肉汁，三個包當中，其中一個仲要有骨嘅😒此店嘅水準同上一手尋魚記一樣，不知道是否只轉了店名，但肯定唔會再嚟食，果杯淡如水嘅茶都仲要收茶錢，真的不了。