Goobne Chicken (The Hart)

Open Now

Now Closed

記得係大概5-6年前，嚟過呢間大熱嘅Goobne食炸雞。估唔到咁多年後佢喺香港屹立不倒，仲有咁多分店。今次就要睇吓啲炸雞仲係咪keep到水準喇。呢度主打不經油炸嘅烤雞，可以毫無罪惡感咁樣大吃一頓。雖然係用咗較低脂嘅烤焗方法，烤雞嘅外皮相當之脆口，比起韓式炸雞，毫不遜色。試咗一份比較特別嘅口味：🤍蜜糖咖哩脆烤雞，甜而不辣，咖喱味柔柔咁融入以蜜糖為主調嘅味道中 ，表面灑上香脆嘅杏仁片。係我懷念嘅口感同蜜糖味。🤍馬蘇里拉芝士球，甜甜嘅奶香， 煙煙韌韌嘅口感，唔會太油膩，我地都幾鐘意。最後點咗🤍鐵板辛奇煎餅，煎餅正正常常，唔算好辣，烤得焦脆，內裏煙韌。