Video
Read full review
2012-03-30
30 views
季季紅灣仔分店3月18號正式開張，老細早兩日去試，食完返黎話D點心唔錯，介紹我地去飲茶。身為聽話o既員工，我地第二朝就立刻訂位試食，睇下有幾唔錯。酒樓門面同裝修都店如其名般咁紅；全店都擺放左好多豬o既裝飾，因為季季紅出名食乳豬。酒樓左側為燒味外賣部。正門玻璃門一打開就係通往大堂o既自動扶手電梯，好有氣勢。上到一樓，發現原來酒樓三層都以自動電梯連接，集團真係捨得！再查問清楚，先知道原來季季紅為灣仔新店耗資達成千萬！其實酒樓面積好大，不過唔知點解D枱要擺到咁密麻麻，迫迫狹狹，令食客坐得好唔舒服，伙計自己亦行得辛苦。不過最奇怪都係中式酒家入面居然設有一個魚生部囉。雖然話係新開張，不過招呼絕不熱誠。服務生人數唔算少，不過想叫人落單，問野，收碟，叫極都冇人理我地，真係唔知大家忙緊乜。午飯時間只有一個鐘，為求速戰速決，大家就決定叫個四位用o既午市自選套餐，$318包點心四款，小食一款，小菜兩款，同粉麵飯一款： 點心一之蒜茸蝦春卷：炸得OK脆，個蝦餡都好爽，不過就食到成口油，太過肥膩，而且好勁味精。 點心二之時菜鯪魚球：太硬太實，估計因為用得太多粉，失敗得很！ 點心三之南翔小籠包：小籠包唔夠熱，而且
酒樓門面同裝修都店如其名般咁紅；全店都擺放左好多豬o既裝飾，因為季季紅出名食乳豬。酒樓左側為燒味外賣部。正門玻璃門一打開就係通往大堂o既自動扶手電梯，好有氣勢。上到一樓，發現原來酒樓三層都以自動電梯連接，集團真係捨得！再查問清楚，先知道原來季季紅為灣仔新店耗資達成千萬！
其實酒樓面積好大，不過唔知點解D枱要擺到咁密麻麻，迫迫狹狹，令食客坐得好唔舒服，伙計自己亦行得辛苦。不過最奇怪都係中式酒家入面居然設有一個魚生部囉。
雖然話係新開張，不過招呼絕不熱誠。服務生人數唔算少，不過想叫人落單，問野，收碟，叫極都冇人理我地，真係唔知大家忙緊乜。午飯時間只有一個鐘，為求速戰速決，大家就決定叫個四位用o既午市自選套餐，$318包點心四款，小食一款，小菜兩款，同粉麵飯一款：
點心一之蒜茸蝦春卷：炸得OK脆，個蝦餡都好爽，不過就食到成口油，太過肥膩，而且好勁味精。
點心二之時菜鯪魚球：太硬太實，估計因為用得太多粉，失敗得很！
點心三之南翔小籠包：小籠包唔夠熱，而且睇相都知入面唔夠湯，不過好在個豬肉餡唔會肥，所以食完一D都唔會溜。
點心四之蟹籽蒸燒賣：點心中質感同味道都係最正常o既一款，不過都係衰唔夠熱。
小食之海蜇分蹄：分蹄有陣「押」味，海蜇好油同好味精，食到我地四個都好口乾！
小菜一之豉蒜涼瓜蝴蝶腩：毫無鑊氣，完全食唔出有用蒜頭豆豉爆香過o既味道mad:！蝴蝶腩同苦瓜又硬又唔入味，勁唔掂！
小菜二之香芋南瓜滑雞煲：同事們讚香芋同南瓜夠腍，雞個味道都校得唔錯。不過，問題係用煲上都可以唔夠熱，大家都覺得個餸係返叮之作。
粉麵飯之福建炒飯：我地四個食完都想問下依個當真係福建炒飯？外表唔吸引唔緊要，不過大家真係味食過咁冇鑊氣，而且走左燒鴨o既福建炒飯。未落芡前，個飯應該先用蛋炒過，依點連平時唔入廚房o既XO仔都知道，唔知係師傅忙得滯，定係唔夠料呢？
計埋茶錢同加一，每人要成一百蚊飲餐坐得唔舒服，食物水準油麻地o既茶，唔抵程度高到我地四個都唔會再返轉頭囉！Post
