我愛慢煮 (普慶坊) (Closed)

呢間專賣慢煮食物嘅餐廳嘅裝潢雖然有中式傳統風格，頗有特色（而家仲有隻連豬🐷），但係食物就係以西式為主。⁣😗⁣安格斯頂級西冷牛扒(小)（$118）［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣雖然嗌咗小嘅份量，但係其實都幾足夠。😆 因為係慢煮嘅關係，所以切開牛扒，入面仲係粉嫩嘅顏色。🤩 而入口的確好嫩滑，但都保留牛扒嘅口感。😋 慢煮保留咗食材嘅原汁原味，特別有牛肉嘅味道同埋脂肪嘅香味。⁣⁣⁣😜⁣⁣⁣法式豬鞍架（$138）［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣平時食豬鞍架，好容易一唔好彩就會食咗啲又鞋口又冇汁，真係好難食。😰 不過呢度就絕對唔會咁嘞，因為係慢煮咖嘛。🤣 豬肉非常之嫩滑，而且煮得啱啱好，冇overcook，所以真係好juicy。💦 再加上佢慢煮完，再煎香咗，所以有微微焦香，錦上添花。⁣⁣⁣😚⁣⁣⁣慢煮白酒菠蘿配意大利雪糕（$38）［好味度：7/10］⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個真係比較少見嘅甜品。😯 用咗慢煮，令到菠蘿浸滿白酒嘅香味。🍍 然後再鋪上焦糖，脆脆地，外脆內淋，頗特別。⁣⁣⁣😬⁣⁣⁣草莓醬比利時窩夫配意大利雪糕（$38）［好味度：6