Playa de Papagayo (Renamed) View

成日嚟尖沙咀都會經過呢間餐吧，特別嘅裝飾令到我好有興趣，約到同朋友出嚟傾吓偈一於揀呢一間，夜晚都有小食提供。Spanish Crown用gin酒加上葡萄百香果，飲落去酸酸甜甜，又有香草同草本嘅清香。特別鍾意果味濃郁嘅酒。Playa De Azul- Frozen呢一杯相當豐富，有Vodka，Blue Curacao，Moscato Blue三種酒調配而成，再加少少檸檬汁，一個屬於多巴胺色彩嘅酒，實在太吸引人，而口感亦都係酸甜，雖然加咗咁多款酒，唔會太重酒味，各款酒嘅比例啱啱好。蛋白既荔枝果酒蛋白發泡之後散係上面，先飲到一陣蛋白，再飲到一陣果香濃郁既酒，果然係餐吧，調既就就係好飲。自選串燒（鹽味/醬汁）（魷魚鬚，雞腎，雞皮，難腿肉，雞翼尖）串燒喺餐吧嚟講算係好味，特別係雞皮脆脆入口，魷魚鬚更加係鎹酒一流。西班牙火腿拼盤西班牙火腿作為一個經典食材，梗係要喺夜晚輕食最佳選擇，入面除咗火腿片仲有新鮮嘅水果，連麵包片都足夠香脆。