形 (大涌橋路)

Open Now

Now Closed

同朋友都係沙田附近住，今日搵左間日式酒吧同朋友相聚。呢到地方都幾大，有好多game，現場都見到有人掟飛鏢，另外仲有桌球等等，一定唔怕悶。食物方面係串燒類同埋日式類為主，選擇都幾多。串燒類 ~ 雞翼: 分開左D骨，所以好易去食，都係鹽味為主要調味。雞軟骨 : 好脆口，有少少鹽味為調味，岩岩好。豬頸肉 : 上面個汁我幾鐘意，個汁好似平時食到叉燒既蜜汁咁! 鐵板燒牛舌好惹味，黑椒味好重，牛舌份量好多，唔會韌，配菜都吸曬味，所以好好食。蒜蓉炒雜菜既調味好夠，但唔會偏咸，好香口。牛肉炒飯係粒粒分明，牛肉份量足夠，整體似鐵板燒食到既炒飯! 明太子玉子燒，玉子好甜，加埋面上既明太子醬，帶有少少辣味，呢個組合可以encore。Mocktails 有好多款，我地飲左Strawberry ginger lemonade，佢唔係藥水味，薑味都幾突出~ Grapefruit juice 偏酸，唔會太甜，感覺清新D，個人幾鐘意。