帝樂 - 德國餐廳 (Closed)

今日難得同好耐冇見嘅朋友食晚餐，一於就去食餐好嘅。朋友話之前去過洪水橋食德國餐，覺得唔錯，就帶我去試一試。一去到個環境都好大，行入去之後氣氛好好，有啲外國嘅女仔喺度唱歌，店員嘅服務都好好。我哋叫咗一個前菜拼盤，我自己都已經唔太記得叫咩名。上面有好都唔同嘅德國肉類同腸，味道都比較偏鹹。可以配埋法包同埋芝士加肉一齊食，個口感會比較豐富，比起就咁食啲肉，會冇咁鹹。我個人就唔太鍾意食冷盤，所以覺得一般。之後就叫左一個芝士豬肉丸麵，係即叫即焗嘅，店員都會問你需唔需要上麵，之後先至會上枱，唔使放喺度等到凍哂。啲芝士麵口感好得意，咬落去好彈牙，而且個芝士食落去又唔會好‘流’。啲豬肉丸係用先豬肉打成嘅，咬落去好結實，啖啖都係肉。最欣賞佢呢度嘅環境氣氛好好，我哋食緊嘢嘅時候遇上有其他台有人生日，佢哋會送上生日蛋糕同為佢哋唱生日歌！但由於喺村嘅地方，食食下野嘅時候有蚊咬！