Rain Restaurant & Bar (Closed)

朋友約食飯，話想試下蘭桂芳既餐廳，因為lunch都有食過，想試下dinner既水準。自己本身唔係中環返工，都冇乜係果頭食過飯，所以試下都冇妨。間餐廳其實都難搵，唔係朋友帶路，自己應該唔識去。但入到去感覺都唔差，有晒蠟燭咁，都幾有氣氛。窗口仲對住haagen dazs，景觀都幾好。waiter介紹左個黑松露湯，我同朋友一人叫左一個，main佢就叫左份牛柳，我就食sea bass。個湯真係好飲，好香，同埋好有口感，不過一個人飲完已經有d飽既感覺，建議大家可以同人share咁樣可以試到多d野。個fd份牛叫左medium rare，本身自己好少食咁生，不過食落都幾嫩滑，不過血淋淋咁。以後食牛都會叫生d，不過我諗medium已經夠喇。個sea bass真係好好食，好滑，而且魚又健康d，可以食多少少都唔驚，同埋d薯蓉好好味。食完d野已經好飽，不過甜品對我吸引力太大，所以忍唔住都要叫埋，同朋友叫左tiramisu同creme brulee，兩個都好食。埋單每人要300幾蚊，雖然唔平，不過食物質素都唔錯，所以都覺得合理既，有機會都會再去食。