Seasons Restaurant & Bar

Open Now

Now Closed

第一次黎呢間餐廳，地方唔大，但氣氛環境都唔錯。首先試左個脆餅，脆卜卜好香芝麻味，加埋個清爽嘅醬汁都幾開胃。叫左兩個主菜，咖哩雞同埋特嫩豬肋骨，再加埋印度牛油烤餅。咖哩雞頗辣，好惹味，好香香料味。雞肉大概有6,7塊，嫩身有肉汁，算唔錯。有咖哩雞同咖哩汁就緊係要叫埋印度薄餅啦！最推薦就係牛油薄餅！上菜個陣仲係熱辣辣嘅，好香牛油味，仲好鬆軟，點埋咖哩汁好好食！叫左半份特嫩豬肋骨，但份量一d都唔少。豬肋骨偏酸，如果再甜d再惹味d就更好。而配菜薯條就好好食！熱辣辣而且外脆內軟，好好食！同埋仲試左餐廳推薦嘅Mango Lassi，係芒果乳酪飲品。飲落似係芒果沙冰，酸酸甜甜，凍凍地好開胃同解膩解辣。如果唔係好食得辣但又中意食咖哩嘅朋友記得試下啊！menu 仲有好多酒，中意飲酒嘅朋友可以試下！整體唔錯，不過價錢偏貴。