La Parrilla Steakhouse

係前菜方面，我哋叫咗一個生牛肉他他，佢嘅生牛肉他他嘅醬料唔多，主要嘅味道都係圍繞着牛肉嘅鮮味，隔離仲會配住幾塊多士。個人覺得佢嘅多士唔夠多，所以仲會拎埋餐包嘅包，作為配搭配住佢個他他一齊食。食完之後，我就叫咗一個是日餐湯，今日係胡蘿蔔湯，佢嘅蘿蔔湯好濃郁，淡淡蘿蔔味，亦都有蘿蔔蓉嘅感覺。食完前菜之後，梗係要返一個main啦，我哋叫咗一份扒，佢一份扒就有六款唔同嘅醬料，而個扒仲會喺個鐵板上邊，會有少少嘅焦香。同時我哋另外仲叫咗一份薯蓉，佢嘅薯蓉超級好食，佢有好多茹嘅味道，個人覺得佢嘅薯蓉非常之出色。而飲品方面我哋淨係飲佢嘅氣泡水都好夠，因為佢嘅氣泡水好容易入口，好順滑，食住飯咁飲就好夾啦。