Youme Cafe (Closed)

今次嘅主題係Yuri ~ on ice第一次黎到,一入到去已經見到周圍嘅佈置非常耀眼,好似比唔同角色包圍住今,氣氛好好,而且招呼我哋嘅侍應服務都很周到和有禮貌,是一間印象好好嘅餐廳。吉烈豬排滑蛋蓋飯炸得剛剛好,雞蛋不會煮得太老,醬汁亦同樣可口,與動畫入面嘅蓋飯相似度十足,可以推薦朋友試下。另外,點左一個yuri & victor 嘅沙冰,係薄荷口味嘅,口味清新,芒果亦唔會酸,但係食得耐會覺得個口有少少單調,而且覺得薄荷嘅口味會有少許降低食慾嘅效果。呢到菜單選擇比較少,飲品和食品都只有幾款選擇。不知道是否主題的關係,沙冰及飲品全都是圍繞薄荷/青蘋果/青檸的清爽口味,只有咖啡不是。對於不偏愛薄荷或清爽口味的人來說,飲品選擇太少,希望可以提供一些朱古力/凍檸茶/奶茶等等比較常見的簡單飲料。所以,最後因為口渴而且好難選擇凍飲嘅原故,叫多咗一碗番茄湯。湯嘅味道同平時嘅罐頭湯飲落去一樣味,所以就唔作詳細評論...總結來說,餐廳服務及氣氛好,食物都係好食嘅,但飲品口味選擇比較少同偏門,可以考慮自己嘅接受程度去試一試。