Video
Read full review
2024-01-15
194 views
漁樂場位於荃灣美食林立嘅大鴻輝中心裡面，一出lift口就已經感受到呢間餐廳好有氣氛，呢到裝修最大嘅特色就係想令客人覺得自己彷彿置身於五光十色嘅娛樂場入面！另外呢到仲設有Live Band表演，將成個Chill嘅氣氛再昇華咗，好啱同朋友或者伴侶好好咁享受食飯嘅美好時光～招牌香辣烤魚 (江團魚)💰HK$328烤魚超大條，江團魚外面燒到有少少焦香，入面肉質新鮮嫩滑，重點係冇乜碎骨！至於烤魚嘅辣度，雖然望落去個顏色令人覺得好似好辣咁，但食落去又唔係太辣，用來配搭烤魚真係令人回味無窮～孜然味濕辣牛肉(5串)💰HK$48呢到嘅招牌菜之一，有四種口味！我哋簡咗孜然味，牛肉鮮嫩多汁，啖啖都係牛肉嘅鮮味～燒大大茄子💰HK$36呢到嘅燒茄子同平時食嘅唔同，主要係用滿滿嘅蒜蓉來調味，茄子肉燒到軟綿綿，即使本身冇落到孜然粉去調味，茄子都依然咁惹味啊～豚肉韮菜花卷💰HK$18豚肉表面燒到好香脆，入面嘅韮菜咬落去有汁，整體口感係爽口得來保留到juicy，估唔到豚肉片同韮菜都可以咁夾～雞腎(2串)💰HK$28雞腎用咗孜然粉同辣粉調味，口感偏爽脆！ 餐廳亦設有好窩心嘅串燒爐，令啲串燒保持溫度，等客人可以安心慢慢品嘗串
招牌香辣烤魚 (江團魚)💰HK$328
烤魚超大條，江團魚外面燒到有少少焦香，入面肉質新鮮嫩滑，重點係冇乜碎骨！至於烤魚嘅辣度，雖然望落去個顏色令人覺得好似好辣咁，但食落去又唔係太辣，用來配搭烤魚真係令人回味無窮～
孜然味濕辣牛肉(5串)💰HK$48
呢到嘅招牌菜之一，有四種口味！我哋簡咗孜然味，牛肉鮮嫩多汁，啖啖都係牛肉嘅鮮味～
燒大大茄子💰HK$36
呢到嘅燒茄子同平時食嘅唔同，主要係用滿滿嘅蒜蓉來調味，茄子肉燒到軟綿綿，即使本身冇落到孜然粉去調味，茄子都依然咁惹味啊～
豚肉韮菜花卷💰HK$18
豚肉表面燒到好香脆，入面嘅韮菜咬落去有汁，整體口感係爽口得來保留到juicy，估唔到豚肉片同韮菜都可以咁夾～
雞腎(2串)💰HK$28
雞腎用咗孜然粉同辣粉調味，口感偏爽脆！ 餐廳亦設有好窩心嘅串燒爐，令啲串燒保持溫度，等客人可以安心慢慢品嘗串燒，唔洗驚因為掛住傾計而攤到啲串燒凍哂～
超級水果茶💰HK$45
有多款水果，味道酸酸甜甜，感覺清新又解膩～
STELLA ARTOIS啤酒 (500ml)💰HK$78
見氣氛咁好，忍唔住叫返杯啤酒chill一chill佢！ 用啤酒配搭串燒同烤魚，正啊～
孜然味濕辣牛肉
2 views
0 likes
0 comments
豚肉韮菜花卷
2 views
0 likes
0 comments
燒大大茄子
4 views
0 likes
0 comments
招牌香辣烤魚
1 views
0 likes
0 comments
招牌香辣烤魚
11 views
0 likes
0 comments
雞腎
8 views
0 likes
0 comments
Post
