Video
Read full review
2022-12-22
946 views
今晚同男朋友拍拖+買聖誕禮物，所以又黎左尖沙咀😆 一向都知厚福街多餐廳，但無諗過平日夜晚都咁多人。行到盡頭都無咩餐廳想入去，於是就試下睇睇樓上有咩餐廳岩食。望住d水牌就諗起幾年前食過呢間Amitie Kitchen，覺得都唔錯，所以今次再食。餐廳環境偏暗，但幾好情調，窗邊仲有d聖誕佈置，坐窗口位打卡係唔錯的。可惜我地無預先book，所以只能坐餐廳中間既2人位。Dinner set有6款菜式可以揀，但係我同男朋友都覺得呢6款好似普普通通咁，所以散叫左2個main dish同2杯飲品。餐包一共有牛角包、香草包、黑芝麻餅乾各2件。我幾欣賞d麵包上枱既時候係暖笠笠的😍 牛角包好香牛油味，而且麵包外層微脆但又唔會硬。香草包就相對硬身少少，但其實都幾軟熟。至於塊黑芝麻餅，老實講係好乾，但咬落去除左有芝麻味之外，但有少少辣味?! 幾特別。烤燒大啡菇、焗釀鮑魚、北海道帶子、虎蝦意大利飯伴龍蝦汁 ($238)一碟有3件大啡菇，每件菇上面都放滿左risotto同埋一款海鮮，即係鮑魚、帶子同蝦，呢個擺法又幾得意👍🏻 Risotto既質地未去到Al dente 既層次，偏向熟左少少。不過龍蝦汁滲透得好好，每啖
餐廳環境偏暗，但幾好情調，窗邊仲有d聖誕佈置，坐窗口位打卡係唔錯的。可惜我地無預先book，所以只能坐餐廳中間既2人位。Dinner set有6款菜式可以揀，但係我同男朋友都覺得呢6款好似普普通通咁，所以散叫左2個main dish同2杯飲品。
餐包
一共有牛角包、香草包、黑芝麻餅乾各2件。我幾欣賞d麵包上枱既時候係暖笠笠的😍 牛角包好香牛油味，而且麵包外層微脆但又唔會硬。香草包就相對硬身少少，但其實都幾軟熟。至於塊黑芝麻餅，老實講係好乾，但咬落去除左有芝麻味之外，但有少少辣味?! 幾特別。
烤燒大啡菇、焗釀鮑魚、北海道帶子、虎蝦意大利飯伴龍蝦汁 ($238)
烤燒大啡菇、焗釀鮑魚、北海道帶子、虎蝦意大利飯伴龍蝦汁
$238
29 views
0 likes
0 comments
一碟有3件大啡菇，每件菇上面都放滿左risotto同埋一款海鮮，即係鮑魚、帶子同蝦，呢個擺法又幾得意👍🏻 Risotto既質地未去到Al dente 既層次，偏向熟左少少。不過龍蝦汁滲透得好好，每啖都係濃濃的龍蝦味。至於鮑魚同帶子就正常發揮，反而我幾欣賞隻虎蝦，因為上枱時已經剝咗殼，方便進食。另外，隻蝦係煎香完再炒，所以好香蝦味😋
香煎意大利煙肉、大啡菇芝士牛肉漢堡配烤薯條（單份）($168)
香煎意大利煙肉、大啡菇芝士牛肉漢堡配烤薯條（單份）
$168
21 views
0 likes
0 comments
呢個burger勁大份！首先面頭果塊煙肉好肥厚，成舊五花腩咁🤤 雖然好肥膩好邪惡😈 但好味🤭 牛肉方面，雖然無講話用邊度既肉，但牛味都算唔錯，算係幾juicy又唔會鞋。麵包皮加左牛油再焗過，微脆既口感一流。呢度既麵包真心唔錯👍🏻
熱宇治抹茶牛奶朱古力 ($32)
熱宇治抹茶牛奶朱古力
$32
24 views
0 likes
0 comments
本身想叫matcha latte，但夜晚費事飲咖啡，就叫左抹茶朱古力。不過上枱既時候，我估佢本身有拉花，但fail左，所以個外觀麻麻地。而味道方面，朱古力味比抹茶味重，我會想調番轉😂
菠蘿青檸梳打 ($38)
菠蘿青檸梳打
$38
28 views
0 likes
0 comments
男朋友點左呢個，我試左一啖，係正常既菠蘿梳打，青檸味就唔算好出。
Post
