八蠔吧 (Closed)

星期五去蘇豪區一帶食嘢，朋友介紹有間別出心裁嘅蠔吧，果然由食飯，餐廳格調，至到同老闆溝通都有意想不到嘅驚喜。首先入到去，老闆自我介紹完之後亦都講解餐廳嘅背景，我好鍾意呢啲人情味嘅餐廳，除咗食物質素之外，仲多一份人情味嘅 。黑板上掛住今日六款嘅蠔，分別來自唔同嘅地方，老闆亦都好細心講解蠔嘅質地，來自嘅水域，口感，但係我同朋友都係鍾意食creamy 嘅質地，所以揀咗日本同南非呢兩隻。果然不出所料，除咗好Creamy好滑身之外，仲好清甜，餐牌上仲可以加其他唔同嘅配料，例如魚子醬等等。小食方面，呢個脆炸雞翼真係冇得彈，佢唔係一般嘅雞翼咁簡單，佢用嘅脆粉同埋香辣程度係配酒一流。另外，龍蝦意大利飯真係好有水準，原隻龍蝦尾上賣相一流，加埋Creamy嘅risotto相映成趣。另一個main course就嗌咗黑松露蘑菇意粉，非常之香濃，睇得出廚師嘅工架。喺呢度食飯，除咗食物質素高之外，閑時老闆仲會彈吓琴一齊玩下，真係好啱同朋友黎happy Friday。