Video
Read full review
2009-04-20
25 views
今晚係同小公主去慶祝我嘅升職，我今次揀選咗半島頂層28樓嘅Felix。放工就接咗小公主，跟住喺尖咀塞咗幾個字，終於駛到去半島，一停低架車，酒店嘅職員已經為我地兩個開車門，跟住即刻問我："先生，請問去邊間餐廳?"，我答道："Felix"，職員跟住回應："知道，Sir"，wow.....比人稱呼Sir，真係少有，果然係傳統英式高級酒店。之後，我地進入酒店，曉過商場，去到專為呢間Felix餐廳而設嘅Lift，去到已經有一個餐廳職員企喺個reception度，跟住我地住入架 Lift，差不多去到廿八樓時，Lift嘅燈突然調暗咗，營造神秘氣氛，一出Lift，行過一條走廊，見到餐廳最入係一個stage嚟嘅，又光又 grand，真係一絶，似係一個舞台多個一間餐廳，又到另一個reception，待應問我地兩個，要飲杯嘢先，定係想開始食飯，真係同一般餐廳嘅程序好唔同。佢地安排咗一張近窗嘅枱比我地，所有嘅窗都係落地玻璃，樓底有約三層樓高，氣派十足。我地最後決定要兩個set - 6-course menu - "The Felix Experience" $888，如果要pairing with wines
之後，我地進入酒店，曉過商場，去到專為呢間Felix餐廳而設嘅Lift，去到已經有一個餐廳職員企喺個reception度，跟住我地住入架 Lift，差不多去到廿八樓時，Lift嘅燈突然調暗咗，營造神秘氣氛，一出Lift，行過一條走廊，見到餐廳最入係一個stage嚟嘅，又光又 grand，真係一絶，似係一個舞台多個一間餐廳，又到另一個reception，待應問我地兩個，要飲杯嘢先，定係想開始食飯，真係同一般餐廳嘅程序好唔同。
佢地安排咗一張近窗嘅枱比我地，所有嘅窗都係落地玻璃，樓底有約三層樓高，氣派十足。我地最後決定要兩個set - 6-course menu - "The Felix Experience" $888，如果要pairing with wines就$1288，不過我地另外叫咗一枝白酒
1. Domaines Schlumberger Riesling 2005 - 白酒，幾易入口，果香濃郁，感覺好好。
2. Assorted Bread - 有兩款麵包，一款餅乾，麵包係法國麵包，冇咩特別，小公主喜歡脆脆嘅餅乾，我就較喜歡另一款麵包，事關麵包加有bacon碎喺度，好香，真係好香，而且麵包好軟熟。
4. Hamachi, Citrus Ice, Cilantro, and Smoked Sea Salt - 油甘魚刺身，真的好新鮮，上面放咗一舊柑橘味嘅冰同海鹽，能夠帶出魚嘅鮮味，真係另一種日本以外嘅風味，其他地方我相信未必咁易食到。
5. Foie Gras, Passion Fruit, Pistachio - 鵝肝煎得啱啱好，入面仍然好軟，但係有筋，美中不足，配上酸酸嘅熱情果汁，同埋三舊酸嘅啫喱，一啲肥膩嘅感覺都冇，而且加有塊沾滿焦糖嘅脆片，口感豐富，而且亦富有視覺上嘅享受。
6. Spice Crusted Pomfret, Local Pumpkin, Sage Beurre Noisette Broth - 條魚表面已經舖上一層好厚嘅香草，令到本來只得淡淡鮮味嘅魚，味道來得豐富，而且加上南瓜同車厘茄做配菜，顏色好夾。
7. Brown Sugar Cured Lamb, Fingerling Potatoes, Chipotle-Mint Jus - 表面煎得啱啱好，入面仍然保然非常鮮嫰，非常juicy。旁邊放有兩件新薯，不過得一支羊架，份量略嫌少咗啲。
8. Rhuharb-Vanilla Soda - 一杯用嚟清之前食物味道嘅飲品，唔同其他地方用嘅sherbet，有新鮮感，又可以見識多一樣新鮮事。
9. Tamarind Mango Confit, White Chocolate Pavlova, Salty Tapioca Creme - 呢個甜品小公主就好buy了，用上一層薄薄嘅白朱古力做外層，入面上層有一堆菜，中層有新鮮芒果粒，下層有一啲叫做Macarons嘅物質，碟面周圍仲有用椰汁做嘅sauce，我諗真係唔會喺好多地方食得到，係值得嚟呢度試返次。
10. Coffee & Chocolates - 咖啡係普通貨式，不值一提，朱古力算唔錯，個人認為賣相吸引過味道本身。
Comments: 待應好pro，而且遵照傳統規矩，一定喺我地嘅右手邊起菜，真係難得。而且每道菜都花時間為我地悉心講解。係一次難忘嘅經歷，睇得出廚師係餸菜上嘅創意，呢份創意，真係值得我下一次有機會再去品嚐。下次有機會我希望可以試埋佢地嘅Chef's table，一餐又廚師為你創作為你度身訂做嘅一頓晚餐。
Post
