龍麵館 (Closed)

裝潢好有氣派，充滿中國色彩，舞獅頭、金龍....大家細心留意，唔單食餐廳環境，係連上碟都好有心思好有趣~食物樣樣有特色，呢度主打龍蝦，除此外都仲有好多款式，以主菜為主，不過有d都幾特別，而且整體黎講，都幾有新意~我地一家4個人，但食左都幾多菜式，仲叫左唔少飲品，呢度有happy hour!讚~介紹下我比較欣賞的菜式：龍蝦酥，賣相無得頂，打卡必點。食落酥皮香脆，餡料好多，當然啖啖龍蝦肉，好滋味~龍肉炆伊，半隻龍蝦拆好左，食都好方便，伊麵彈牙都幾入味。椒鹽豆腐仔，外脆內滑的口感，呢度整得相當好味~珍寶龍蝦春卷，脆口而且啖啖肉，份量充足一啖絕對食唔曬，要分開慢慢食架!本來食左個個"即燒片皮鴨"，影左片唔記得影相，有師父即場切片，仲會教埋你點食，鴨皮超脆，沾上黃糖入口即溶；肉另外可以包皮加埋哈密瓜、芹菜等，超正~喜歡飲酒的話可以試下呢度嘅cocktail，好特別~承傳及功夫，呢兩個真係打卡首選，而且入口唔會話酒味好濃，慢慢飲可以傾下計!甜品必揀雪燕龍珠，完全係視覺加味覺嘅享受，一上台係好似仙景咁，雪燕加上晶瑩剔透的玄餅，好靚真係，而且味道唔會好甜~