水戶日本料理 (Closed)

最近屋企附近新開嘅日本料理🍣【水戶日本料理】未開張時已經見到日式木系裝修，超期待！今日終於同家人一齊食喇！入座時，職員安排咗綠茶比我地。呢道用自家杯具，好靚。飲啖茶，覺得身心舒暢。水戶魚生丼 $108賣相好靚，特別用葉子盛載著魚生。魚生望落色澤好有油光，好吸引！魚生都非常厚切，好新鮮。豬軟骨手打烏冬 $62+12本來是豬軟骨拉麵，加錢轉咗手打烏冬。烏冬幼滑細膩，輕輕一吸就流入喉嚨，爽口彈牙。湯底可選蕃茄湯或豬骨湯。蕃茄湯非常濃郁！豬軟骨滷得好入味。軟骨一咬就斷，非常軟冧，豬肉入口即溶。.【水戶日本料理】大埔寶湖道1號富盈門地下3號舖