居食屋「和民」 (Closed)

之前久唔久都會幫襯和民，所推出既二人餐都算抵食。已經有兩年冇食過，點知水準愈來愈差，好失望。叫左個二人餐，有兩個前菜。不過個前菜係唔凍唔熱，其實好易出事😐味道淡，食咗一兩啖就無食喇。另一個前菜係煙三文魚，真係好細塊，又薄，以前食完全唔係咁，大塊好多。沙律則中規中矩。日式滑蛋豬扒飯呢個飯好多日式餐廳都有，算係基本功！但個飯唔夠熱，好似預先煮好咁，豬扒炸皮可能浸得太耐，好林！保留唔到依然有少少脆嘅口感！ 唯一比較好食嘅係豚平燒同海鮮火鍋。不過個海鮮火鍋係落單後半個鐘都未到，要同侍應講先有。人手好似唔太夠，舉左好耐手都冇人理你。埋單都要＄300，其實以咁嘅質素，其他餐廳都有好多好選擇， 下次未必會黎。