西餐大排檔 (Closed)

之前同朋友仔食過呢間西餐大排檔一次，覺得好正，於是假日就帶媽咪過嚟食午餐啦門面放咗一啲幾十年代既相，都幾有feel話就話係大排檔，但係環境一啲都唔大排檔， 十分乾淨企理。喺銅鑼灣食午餐，呢個價錢算係幾扺，仲要有埋湯、麵包同埋飲品。好掛住之前食過嗰個黑毛豬，所以我今次都嗌黑毛豬，而媽咪就食牛肉眼。我哋加左一個鰻魚薯仔沙律share，鰻魚凍食都係第一次，鰻魚味都幾重，而且好有咬口，薯仔亦都好腍，配埋沙律醬好正，啲沙沙律菜都好fresh，唔錯黑毛豬青紅蘿蔔湯，呢個湯係中西合璧嘅，廚師將啲青蘿蔔打成茸，再用黑毛豬同紅蘿蔔牛仔而成，飲落去食到一粒粒嘅青蘿蔔茸，感覺都幾新奇有趣，幾好飲我哋另外都叫咗個海鮮拼盤share，全部都好新鮮，特別係鮑魚，食落去好鮮味好腍，帶子同埋蜆肉都好爽口，生蠔好重海水味，而蝦就非常大隻而且爽口彈牙。西班牙橡果級別黑毛豬黑毛豬煮到啱啱熟透，肉質幾腍，而且食落幾juicy，豬味好重，配菜仲有蘆筍、番茄同番薯茸，番薯茸都係第一次食，甜甜地又軟滑，正!而媽咪個牛肉眼亦都好重牛味，肉質好腍，叫佢八成熟亦都煮到啱啱好，配合埋芥茉醬，好味。食飽飯叫埋餐飲，媽咪就叫一杯熱咖啡，我就叫