Mark One (Moved) New Location

黎食過兩次, 兩次都食忌廉汁露荀龍脷卷. set dinner有成十幾款揀, 實有野啱, 價錢通常係$78-$98, 羊架同安格斯牛扒就要過百. 先黎個沙律, sauce有mango, blueberry同strawberry揀, 朋友要mango話好清好味, 自己試過blueberry同strawberry就覺得strawberry靚d又sweet d. 湯有羅宋湯同忌廉湯揀, 羅宋湯唔夠味, 忌廉湯每日不同, 比羅宋湯好味, 跟湯有兩片蒜蓉包, 兩次都塗滿蒜蓉, 但上次脆d香d, 今次焗唔夠時間, 中間麵包仲係好腍, 蒜蓉亦唔夠香. 主菜上次食個忌廉汁好濃好好味, 龍脷亦嫰滑, 但今次個忌廉汁稀咗, 龍脷亦焗過龍, 此之謂水準不穩也. 有朋友食石頭飯, 一上枱個賣相唔錯亦好香, 朋友都話幾好食, 亦有朋友食羊西冷同牛扒(普通set dinner), 都話以呢個價錢ok. 再黎餐飲, 無乜好講, 都係咁上下, 仲有甜品, 上次食阿華田奶涷, 好濃好香奶味好滑, 好味! 今次食椰汁布甸, 實咗d, 亦唔香椰子味(淡淡都有既), 但朋友就猛話好味. 特別一提係個老闆好好好熱情, 亦好有心