蛇王二 (Closed)

天寒地凍就諗起食蛇羹，昨天晚上只有12-13度凍冰冰，喺明珠廣場睇戲之前就走咗去銅鑼灣開咗好耐嘅蛇王二食蛇羹，暖暖身。這裏一到冬天好早就排晒長龍，無論本地居民或者內地遊客，個個都知訂嚟食蛇羹，依度除咗食蛇外，仲有好出名嘅脆皮鮮鴨潤腸和燉湯。蛇羹用料足，味道依然濃郁惹味，但不太夠熱騰騰和獻汁稍杰。鮮鴨潤腸味道濃郁，酒香四溢，好正，但外皮比較遜色，冇以前咁脆皮！糯米飯好味香口，份量不少。整體水準稍為比以前遜色了一點，但依然OK，唯獨是坐得比較擠迫。