Jacky's Kitchen (Closed)

呢間餐廳食過好多次，第一次食我諗都6,7年前，一直都覺得質素幾好又唔算貴，曾經有段時間覺得佢貴咗所以幫襯少啲，今日去慶生所以又去食，不過本身無寫開食評所以第一次寫呢間餐廳。呢間餐廳門口有張係半島酒店影既相既，我諗係老闆曾經係半島既廚師，事實上佢哋既食物係唔錯既，而且服務都幾好。呢到最好既地方係佢既餐永遠都齊晒豬牛羊魚而且唔會續樣計你，一個數有前菜頭盤湯主菜甜品飲品，仲一直以嚟都有醬同麵包送，真心唔算貴，以呢個質素嚟講。唯一比既建議係其實咁多年佢哋既餐都無變，而且的確無需要變，因為質素保持得好，但我覺得可以係碟畫啲字搞啲花款，會令食物望落去更吸引同特別啲。