Outdark (飛達商業中心)

Open Now

Now Closed

今日同朋友喺旺角行完街，有啲想食韓國嘢但係又唔想食韓燒，所以就揀咗 Outdark，加上又好耐冇食。餐牌同以前差唔多，款式冇乜大變化，今次叫咗海鮮炒年糕同燜豬腳。燜豬腳 (M Size $288) : 睇完個份量覺得價錢相當合理，豬腳有豐富嘅骨膠原 😍 加上已經調味，所以就咁食就得，如果想口感層次豐富啲，可以配埋生菜、青椒、紅椒、蒜頭等配料。海鮮炒年糕 ($328) : 咁多款裏面自己最愛呢款，因為呢度個炸魷魚圈真係好正，加上本身呢款帶少許辣，所以食落更加滋味。見到有唔同生果味嘅啤酒，所以就叫咗其中兩款，兩款味道都唔錯，不過自己比較鍾意莓味。