焱丸水產 (Closed)

聽朋友講呢間只丸水產啲日本菜非常出色，係比較地啲嘅味道，所以肥妹仔同朋友就去咗銅鑼灣試下呢一間焱丸水產。帶子磯燒 $136咁肥妹仔呢就嗌咗個燒帶子，呢度服務好好，係會有侍應姐姐幫你燒嘅。咁佢啲帶子好大粒，好新鮮，落埋豉油一齊燒，入口啖啖肉，海鮮嘅鮮味出曬。三文魚牛油果油酢漬 $80嚟跟住再嗌咗個味淋漬三文魚，咁佢嘅三文魚呢係用醋同埋味霖醃過嘅，所以食落去嘅口感比普通點豉油芥末更加豐富一點!天婦羅 咁再嗌咗個天婦羅拼盤，天婦羅拼盤入面有炸蝦，墨魚，魚肉同埋蔬菜。 我只可以講佢啲炸粉真係做得非常之出色， 全餐最最最最好食嘅就係佢。海膽佢啲海膽對比出面嘅日本舖一啲都唔醒，食落口仲有一陣回金嘅味道，配埋紫菜一齊食，味道係非常之夾。海鮮炒飯 $78再嗌多個蟹籽海鮮炒飯，用料非常之充足， 炒飯粒粒分明，好香海鮮嘅鮮味，加上個醬油都唔錯，食完之後大滿足。