水門雞飯 (豉油街)

Open Now

Now Closed

旺角多野食，豉油街水門雞飯是我喜愛的食店之一，因為好食又實惠，不用加一。每次去一定食水門雞飯，大大碟飯又多雞又多，大食都一定飽，細食不想浪費可以要少飯。雞加$10可選雞脾肉，另加$10可加雞雜，喜歡吃雞胸也可選擇雞胸。水門雞皮薄肉嫩肉質好，點埋醬油更惹味。雞雜包括雞腸和雞腎都好食，雞紅都正。雞湯有冬瓜，好飲。雞肉和豬肉串燒都有水準，加埋花生沙爹醬更有風味，酸青瓜爽脆。泰式炒通菜炒得好食，豆醬夾味通菜爽脆，可揀少油少咸和辣度。今日唔飲泰式奶茶，飲椰青。大大個又甜又多水又天然又夠凍，好正!最後食埋班蘭大菜糕，造形靚，味道不錯，甜度適中。你未試過推介你來試下。