水門雞飯 (豉油街)

Open Now

Now Closed

同朋友喺旺角打完波，想搵間抵食又好味嘅餐廳，所以我帶咗朋友去食水門雞飯。每人$120已經有齊雞飯、小食、菜同飲品，泰國過江龍嚟講絕對係抵食！⭐水門雞飯⭐水門雙拼炸雞飯每次嚟呢間都一定點雞飯，因為鍾意佢油飯夠香，雞肉夠滑，而個醬汁辣得好過癮，除咗點雞，用嚟撈飯都一樣咁惹味。今次第一次試佢嘅炸雞，啲雞炸得唔會過哂火喉，外面幾脆，而入面唔會乾，仲有另一碟汁係配炸雞。職員留意到啲汁食哂就會主動refill，服務態度幾唔錯。⭐泰式燒腩仔賣相望落有啲似豬頸肉，但其實係腩肉，不過同港式燒肉唔同，泰式係會燒到四邊都脆。⭐香辣牛舌牛舌淋得嚟夠入味，辣度剛剛好，送飯一流。⭐泰式炒通菜通菜份量都多，適合兩個人share，呢碟有好多蒜蓉同麵豉，所以炒得好香。⭐洛神花茶⭐凍泰式奶茶泰式奶茶茶味夠濃，唔算太甜，同出名果間泰奶茶飲店差唔多。宜家晚市做緊優惠，可以優惠價追加小食同飲品，仲有個新出嘅A5和牛泰式船粉，下次嚟再試。

其實我哋啱啱去完泰國旅行返嚟，喺嗰邊已經食咗勁多泰菜。就係因為太好味，所以今晚都想再食泰菜。喺酒店附近行，見到旺角豉油街呢度有間水門雞飯，門口有條龍，於是就一於試吓。不過費事等，所以買外賣返酒店食。買咗咁多嘢食，都係$300零蚊到，好抵食！話晒水門雞飯，梗係要嗌佢個signature試吓啦。個雞肉真係皮脆肉嫩，連埋皮食一啲都唔會覺得肥膩。油飯粒粒分明，味道恰到好處，配埋個雞飯醬真係非常惹味！啖啖肉嘅串燒梗係唔少得啦……叫咗呢個串燒拼，有雞肉同豬肉。雞肉同埋豬肉都醃到好入味，帶香茅香，食嘅時候當然要點佢濃滑重花生香嘅沙嗲醬啦！串燒魷魚$45兩大隻。我覺得係超值。佢個魷魚燒到啱啱好，唔會過熟，所以唔會好似擦子膠咁un。食落反而覺得脆口，容易咬斷！所有燒物記得要點佢個醬汁，一絕！泰式炒通菜食泰菜梗係要食炒通菜少少蝦醬嘅香，炒出嚟仍然保持翠綠！而且有啲蒜頭麵豉同辣椒，就更加出味！估唔到呢一間水門雞飯同泰國食嘅都一樣咁好味，掛住泰菜，但冇假期出國嘅話都不妨一試！

水門雞飯🐓真係抵食又好味仲要唔使加一！係香港想食海南雞飯一定來呢到今晚收工收得晏我就來買外賣🧐門市大排長龍🤣超多人啊！好旺場如果大家要堂食，真係要提早排隊！水門雞飯🐓招牌菜！嫩滑雞肉配雞油蒸飯！好好味仲可以雙拼配炸雞🤩一次過食到兩款滋味香葉辣肉碎煎蛋飯🍳呢個菜式都好出色！香葉肉碎入口微辣好惹味配埋太陽流心蛋～下飯一流泰式腩仔🐖即叫即炸香脆可口！真係食唔停口泰式奶茶🥤真係夠地道🥹茶香出係泰國泰茶味道！叫左3個飯、1個小食、1禁飲品！埋單二百中真係好抵！想食泰國野推介大家來水門雞飯

大家好今日到了旺角水門雞飯食野之前己經試左佢既雞飯係幾好食今次就再試下其他野而今次就主要食佢既A5和牛泰式船麵首先再食左幾款串燒先雞肉串同豬肉都燒得唔會太乾同埋點呢度既沙爹醬都好滋味仲有一串係和牛串燒會配埋酸酸地既醬汁根住就上主菜A5和牛船麵用和牛做船麵其實都比較少見不過和牛比較軟都夾船麵我揀左比較幼身既金邊粉可以更容易吸收船麵既湯湯底都好濃這個船麵會配埋酸梅茶我諗係用來解一解A5和牛既油脂感都係一個唔錯既配搭最後食埋秘汁豬手芥蘭覺得呢度既豬手己經起左骨同埋唔會太肥芥蘭比較幼身同豬手都幾夾總括呢間店質數其實唔錯價錢又唔貴

今晚收夜唔想煮飯，經過發現人頭湧湧，原來做緊優惠，晚餐瞬間有着落，果真不錯❤️。✨燒原隻魷魚✨ $4540幾蚊有兩大串，真係好抵。原隻魷魚成個外賣盒咁長，彈牙又有口感。最正係個汁，辣得開胃，非常惹味。✨水門雞飯✨ $54雞肉非常滑嫩，搭配的雞飯有陣陣雞油香，一啖肉一啖飯，好正😍跟餐有碗雞湯，胡椒味重，飲完非常䁔身。✨鳳尾蝦金邊粉✨ $75足料又大盒，內有幾隻鳳尾蝦，大隻爽口。金邊粉炒得非常爽口且非常正宗，內有花生碎及辣椒碎，撈勻一齊食，超香超惹味。內附青檸，酸甜又香辣😍好快俾我清晒。🔸晚餐追加優惠🔸✨泰式燒腩仔(例)✨$30✨泰式無骨豬手(例)✨$30有多款特色主菜/小食可以優惠價追加，叫咗佢哋嘅燒腩仔同無骨豬手，一次過試晒他們招牌菜❤️❤️燒腩仔炸得非常香口，皮脆内軟，好滋味。無骨豬手超級軟稔，筷子大力一夾就散，非常入味，送飯一流。✨凍泰式奶茶 ✨$8✨龍眼水✨ $8大大杯嘢飲都係加$8，多款泰式飲品任君選擇。咁抵嘅嘢點可以錯過，即刻叫咗杯泰式奶茶同龍眼水。泰式奶茶非常正宗，煉奶香滑，我超鍾意。龍眼水有不少龍眼，不會太甜，好正。即使外賣都十分足料大盒，下次有機會，必想堂食試下。想睇更多介紹

呢間餐廳係由本地人開設嘅泰式海南雞飯店，更從泰國請嚟大廚坐鎮，所用香料同調味料均由泰國直送，確保口味正宗🇹🇭💗水門雞飯（$54）水門雞均用上約2.5斤重嘅白身走地雞，勝在皮薄少脂肪，海南雞已經起骨，食落啖啖肉夠哂方便，雞皮爽口，雞肉味濃🐓；油飯以泰國茉莉香米加入雞湯、香料、蒜頭、辣椒炒完再煲，令飯軟硬適中，粒粒分明🍚💗A5和牛泰式船粉（$98）船麵湯底用上牛骨同多款香料熬煮，湯頭濃郁帶辣，配上滑溜彈牙嘅蛋麵🥘放上一片嫩滑嘅A5和牛片，牛味濃郁之餘有油香🐂💗炸黃門鱔魚皮（$36）以黃門鱔炸出嚟嘅魚皮特別厚身，香脆可口，淨吃或者蘸雞湯食都一樣咁正🐟💗泰式燒腩仔（+$30）燒腩仔肥瘦相間，唯一挑剔係個皮唔脆，蘸上特製酸辣汁夠哂解膩🐖💗馬拉盞肉醬芥蘭苗（$46）芥蘭苗翠綠柔嫩，加埋馬拉盞肉醬食落微辣惹味🌶️

喺旺角返工諗唔到食乜又想平平哋💸呢間就啱晒啦叫咗個海南雞飯🐔唔好睇啲雞咁白好似冇乜味咁🤣就算雞胸位啲肉一啲都唔柴配埋個汁 好惹味!! 個湯係胡椒冬瓜湯 好重胡椒味🥰加$10仲可以指定要雞髀位🍗 Hello隨便睇吓啱晒唔鍾意食雞髀嘅人

經典泰式「水門雞飯」雞肉雞肉係水門雞飯嘅靈魂！雞肉煮得嫩滑多汁，皮脂比例控制得啱啱好，唔會過肥又保留咗啲雞油嘅香氣。用清水低溫慢煮，令到雞肉保持緊緻又唔會乾，入口嫩滑，真係每啖都係享受！飯雞飯用嘅飯係另一個重點！飯粒飽滿，吸收咗雞油同雞湯嘅香味，帶有濃郁嘅雞香，但又唔會過油膩，粒粒分明，係雞飯嘅靈魂所在。配埋雞肉一齊食，啱啱好可以中和肉嘅油脂，味道平衡得非常出色！ 醬汁水門雞飯最經典嘅地方當然係泰式醬汁！醬汁一般用蒜蓉、辣椒、薑蓉、魚露同少量酸檸汁調成，帶出鹹、酸、甜、辣嘅完美平衡。每啖雞飯配埋醬汁，味道即刻提升一個層次，酸辣感刺激味蕾，超級開胃！ 配菜水門雞飯通常仲會配埋幾片青瓜或者少量湯菜，清新嘅蔬菜可以平衡雞肉同飯嘅濃郁感，令整體口感更加豐富。再加上一碗清雞湯，飲落清清地，好舒服又解膩，完美配搭！

位於旺角經常大排長龍嘅「水門雞飯」人氣非常高 簡約裝潢用咗同泰國一樣嘅鋅鐵餐桌 加上泰文雞檔 滿滿嘅泰國feel🇹🇭大約等咗10分鐘就可以入座 餐廳QR code落單▪️水門雞飯招牌必點✔️基本每張枱都有+$10可轉雞脾肉無骨 雞肉皮薄小脂肪 食落啖啖肉 口感嫩滑有彈性👏🏻跟餐有雞湯 慢火熬煮 胡椒味勁辣 刺激暖胃雞油飯好香 唔會太油▪️泰式乾炒辣牛河有鑊氣 河粉口感濕潤又唔會太過碎個人唔食得辣 嗌咗小辣仲係覺得辣咗啲🥵▪️脆炸香茅雞翼雞皮炸得香脆 完全唔乾身肉質嫩滑 醃得好入味 ▪️馬拉盞肉醬芥蘭苗🥬怕辣嘅可以醬汁另上芥蘭苗好新鮮 爽脆 搭配馬拉盞肉醬 好有泰式風味▪️泰式熱奶茶正正宗宗嘅泰味 茶底香濃 口感順滑 但偏甜咗啲 有得揀埋甜度就更好啦▪️話梅茶酸甜解渴 又fresh又開胃🤤

呢間水門雞飯唔同區都有分店，基本上每次嚟都會嗌個海南雞飯配泰式奶茶。貪佢價錢低，去骨海南雞大份又好食。雙拼海南雞拼炸雞排飯海南雞同炸雞排都係無骨，食落啖啖肉。海南雞食落嫩滑唔會鞋，炸雞就香口啲炸到卜卜脆，配雞油飯食。跟飯加野飲，有唔同泰式野飲揀。泰奶好飲，可以自選冰量甜度。朋友就飲芒果沙冰，佢就話消暑一流。每個海南雞飯仲會跟餐配冬瓜湯，個湯算清甜同埋胡椒味較濃。今次同朋友嚟食，就嗌多咗兩個小炒。魷魚炒西蘭花，我地嗌咗少油版本更健康，味道方面仍然好夠鑊氣🤤另外再加多咗個串燒雞肉，點埋串燒沙嗲汁，好惹味。總括嚟講水門雞飯location方便，好多地方都有同性價比都高，下次想食泰菜會再encore.

想食泰國海南雞飯同泰國🇹🇭粉麵☺️諗起水門雞飯係附近就去咗食，佢個雞醬同埋跟飯既湯麵好好味，心心念念😍😍😍🌟海南雞飯 $54 👍🏻👍🏻👍🏻👍🏻👍🏻👍🏻雞同飯嘅份量都好多，雞肉好嫩滑，個油飯好香好好食，水準依然再配埋我心心念念嘅冬瓜胡椒湯，同埋個點雞嘅醬好味🤤又有滿滿嘅蛋白質❤️❤️❤️🥰正！🌟泰式船粉 生牛肉、牛丸$50 👍🏻👍🏻👍🏻👍🏻👍🏻牛丸同埋牛肉嘅份量都算多，牛丸爽口蛋，生牛肉都好嫩滑有牛味入口即溶🤤🤤🤤，個湯都好正宗，好有泰式嘅味道，好好味🤤😋😋仲有個好似腐皮脆脆地嘅，仲有醬汁可以俾我自己加，餐食醬料入邊，有辣粉，炸蒜，仲有好似酸酸地醋味嘅醬料，可以自己加落個湯底度調味😛😛🌟泰式牛舌😛 $30 跟餐叫既👍🏻👍🏻👍🏻👍🏻👍🏻👍🏻都幾抵食，牛舌好腍，好容易入口😍😍，個味道係酸酸甜甜，都幾開胃🤤🤤🤤🌟馬拉盞炒西蘭花，魷魚 🦑$68 👍🏻👍🏻👍🏻👍🏻👍🏻個西蘭花都幾入味，好香口，魷魚都好爽口，同樣都好入味，個菜式人唔會太辣，攞嚟送飯好好好味😋😋😋👍🏻🌟泰式奶菜&龍眼水👍🏻👍🏻👍🏻👍🏻👍🏻👍🏻唔記得影低個龍眼水，好大杯好好飲又唔會太甜，下次都會再叫呢個眼水，仲可以走冰添，啱晒我呢啲養生中女😆😆

今晚在旺角上完堂，就跟同學來吃「水門雞飯」，好味又實惠😋「水門雞飯」是由本地人開設的泰式海南雞飯，更從泰國請來大廚坐鎮，所用香料及調味料均由泰國🇹🇭直送👍🏻店舖環境簡約光猛，鋅鐵餐桌加上泰文的雞檔，而且價錢又親民，真係夠晒地道❗️除了水門雞飯，店家還供應十多款主食及數款泰式小食，泰式飲品都有十多款可選🥰水門半隻雞 $108必食‼️店中的水門雞用上約2.5斤重的白身走地雞，皮薄少脂肪🐔雞肉已去骨，食落啖啖肉，口感嫰滑有彈性😊而且和泰國一樣有雞雜供應，包括雞腎、雞紅及雞腸👍🏻而雞湯以雞殼、豬骨等以慢火熬足4小時，加上辛香的泰國胡椒🧂和冬瓜，味道有辣勁，刺激暖胃。泰式船粉 (牛) $50牛肉上桌時半生熟，肉質鮮嫩不韌🐮，牛丸味道濃郁，有牛肉的鮮甜；而牛肉湯底用牛骨熬製，味道濃郁，而河粉口感滑溜，吸湯能力非常高，每啖都鮮甜可口❗️豬肉串燒 $30 (晚市優惠追加)晚市點主食可以優惠價追加小食，我選了豬肉串燒🐷，共有3串，食落肉質鮮嫩，配搭沙嗲醬汁一齊食，好惹味🥰芒果冰 $12 (晚市優惠追加)以優惠價追加芒果冰🤩芒果味好香濃，口感綿密，好正🥭龍眼水 $22凍龍眼水味道少甜帶清新，還可滋潤喉嚨，yum

最近去咗水門雞飯豉油街分店，今次叫咗佢哋嘅皇牌雞同埋幾樣特色嘢食🍗水門半隻雞真係正到癲 ✨雞肉嫩滑多汁，連埋個雞皮都爽而唔油膩。最正係佢啲醬汁，辣椒醬夠香辣，完全提升咗雞肉嘅層次。雞紅彈彈地冇腥味，雞雜爽口香脆，冇令人失望。泰式無骨豬手真係抵食 🍖用晚市優惠加$30換購！豬手軟嫩多汁，啲肥肉化喺口裡面！豬皮都煮得軟腍唔會韌。金牌胡椒豬什粉真係香噴噴 🍜粉條彈牙爽滑，啲豬什煮到入味，最驚喜係個胡椒湯底，香辣夠濃郁但又唔會嗆鼻，飲完個胃都暖笠笠。青木瓜沙律開胃醒神 🥗青木瓜爽脆，酸甜適中，花生比較多添加咗香脆感。唔錯嘅前菜選擇！龍眼水都係用優惠價加$8換購 🥤甜度適中，幾清甜解渴，配埋啲重口味嘅餸頭啱啱好。啲嘢食份量都幾大，而且全部都做得好有誠意。最重要係佢啲嘢食無論係味道定賣相都保持到水準，難怪成日都咁多人排隊。想食平靚正嘅泰式嘢，水門雞飯絕對係一個好選擇！💯

星期一去到依然爆晒場 有人等緊位 不過好快就入得 呢間已經食過幾次 每次食完過一排都會返尋味既泰國嘢 除左招牌水門雞飯仲有好多泰式粉麵同小食💫 性價比高👅店內用QR code掃碼落單 菜單清晰易明🐓水門雞飯 +10可以轉雞脾肉 仲有得揀多飯 好貼心 會配碗湯同醬料 雞肉好嫩滑 連皮食都唔會好肥 油飯好香 粒粒分明 最後配卡爽脆青解膩🥒雞肉串燒🍢 +30有三串 雞肉好大嚿 配埋沙嗲醬食好惹味！香茅雞翼🔥嗌水門雞飯+$20有4隻 真係好抵食 雞翼炸到金黃色 好酥脆 滿滿香茅清香燒原隻魷魚🦑 每次必點 用竹籤串起兩大串原隻魷魚 好鮮甜彈牙 食起上嚟都好方便🥥椰青$38 食泰國嘢必備 消暑解渴 👍🏻📍水門雞飯 (豉油街) (旺角)旺角豉油街21C號地舖

岩岩去完泰國返黎好掛住啲泰國野食，今日咁岩係旺角做完野，特登過黎呢到水門雞飯食野水門雞飯係旺角尖沙咀都好多分店，真係食極都唔厭！野食勁多選擇，大把唔同泰菜揀食過咁多次都係覺得炸雞係最最出色雞扒脆得黎唔會硬，雞肉又夠入味，點埋個泰式辣汁仲濃味，勁好餸飯馬拉盞炒通菜好嫩好新鮮，全部都好翠綠，而家炒得好淋岩晒我味道亦好濃烈，每一啖都好香，特別係啲葉索晒啲汁勁好食鮮蝦春捲大大條，即叫即炸仲係熱辣辣差啲淥親嘴入面全部都係新鮮蝦肉，爽口彈牙和牛串燒，唔會燒到全熟，入面仲係好粉嫩，所以咬落勁軟身多汁，好大陣牛味出晒黎，仲唔到泰式餐廳都可以整到咁靚既和牛，真係要試下最後整多杯泰式咖啡完美作結，聞落好香唔會太苦，不錯