27
13
8
Level1
1
0
永不再黎
2023-01-28 2568 views
呢間茶樓，如果10分滿分，我會比負100分。成個部門趁着初六過嚟食開年飯，本身都book咗位今日12:30，嚟到攞位，個reception阿姐同我哋講，今日好多人，叫我哋等一陣，好啦咁見佢今日都爆晒棚，都算啦等一陣都冇所謂，但係嗰個阿姐又唔同我哋講仲有幾多張，同要等幾耐，點知足足都等咗半個鐘先攞到位，咁我book黎做咩？都算啦，起碼等到位，坐咗入去，即刻填點心紙第入去廚房。點知坐咗半個鐘，佢淨係嚟得一碟伊麵，我哋六個同事，好似五餅二魚咁分咗個伊麵，然後就沒有然後了… 吹咗幾次啲點心好耐都未嚟，啲姐姐好似當我哋無到咁，態度勁差，同埋好似冇人想理我哋咁，係咪想啲客自己入廚房攞點心？等到差唔多兩點，一籠點心都無嚟過，因為我哋要返工，成肚氣，話所有嘢都唔要，拍枱走人，佢仲敢收我哋伊麵嘅錢同茶錢，真係有冇搞錯！諗住開年，而家開唔到年… 呢間茶樓，真係俾錢請我去都唔再去！！！！！！
Read full review
呢間茶樓，如果10分滿分，我會比負100分。

成個部門趁着初六過嚟食開年飯，本身都book咗位今日12:30，嚟到攞位，個reception阿姐同我哋講，今日好多人，叫我哋等一陣，好啦咁見佢今日都爆晒棚，都算啦等一陣都冇所謂，但係嗰個阿姐又唔同我哋講仲有幾多張，同要等幾耐，點知足足都等咗半個鐘先攞到位，咁我book黎做咩？


都算啦，起碼等到位，坐咗入去，即刻填點心紙第入去廚房。點知坐咗半個鐘，佢淨係嚟得一碟伊麵，我哋六個同事，好似五餅二魚咁分咗個伊麵，然後就沒有然後了… 吹咗幾次啲點心好耐都未嚟，啲姐姐好似當我哋無到咁，態度勁差，同埋好似冇人想理我哋咁，係咪想啲客自己入廚房攞點心？等到差唔多兩點，一籠點心都無嚟過，因為我哋要返工，成肚氣，話所有嘢都唔要，拍枱走人，佢仲敢收我哋伊麵嘅錢同茶錢，真係有冇搞錯！

諗住開年，而家開唔到年… 呢間茶樓，真係俾錢請我去都唔再去！！！！！！
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
1 Recommended
    Post
    DETAILED RATING
    Taste
    Decor
    Service
    Hygiene
    Value
    Date of Visit
    2023-01-27
    Waiting Time
    30 Minutes (Dine In)
    Type of Meal
    Lunch