Terrace in seaside (海運大廈)

Open Now

Now Closed

Terrace in seaside 一間永遠唔會令你失望嘅餐廳今次嘅萬聖節嘅菜式好吸引店更員更帶上一頂南瓜帽，十分有誠意。食物不單止賣相睇得，味道還一流。啖啖蟹肉千層麵香噴噴嘅千層麵，一層層明確分明，而且厚度適中，混入咗鮮甜嘅蟹肉，還加上蟹籽，外層被融化咗嘅芝士包圍着，味道比一般只有肉醬嘅千層麵更豐富，蟹肉嘅鮮甜令到味道提升不少。一-韓式奶油排骨鍋(辣味)排骨嘅份量頗多，肉質鮮嫩，配上年糕和韓國粉絲，粉絲掛上香濃嘅奶油醬汁，真係令你食唔停口，好想問服務員可唔可以再加啲粉絲。幽靈來襲！士多啤梨朱古力窩夫用麻糬做嘅白色幽靈，真係好鬼神似，朋友影咗好多幅相先至俾我開始食。朱古力窩夫外層鬆脆，口感好似食緊心太軟。再加埋香甜嘅士多啤梨醬汁和士多啤梨，味道匹配。惡鬼荊棘海提子沙冰一杯好味而且應節嘅飲品，海提子嘅味香濃，配上綿綿嘅沙冰，清甜解渴。濟州柑乳酸梳打味道甘甜，配埋乳酸梳打，味道開胃，而且消滯。