Video
Read full review
2019-04-17
125 views
每個月都總有幾日心情麻麻，好想食甜品氹自己開心，之前都會去不同pancake店食郁郁郁梳乎厘，又或者去雪糕店、格仔餅店，有時連中式糖水舖都唔放過，只求一點甜，所以喺呢個Moment 我對甜品要求唔係好高，睇得食得基本要求。今日心情又跌到谷低，又咁啱喺銅鑼灣，不如入去食個打卡少女至愛嘅郁郁郁梳乎厘，店員有禮招呼我坐好，立即指住$138招牌梳乎厘說：「呢個4點出爐，留一份畀你！」當時係3:45pm，但明明menu寫3pm出爐架喎⋯⋯是旦啦，唔考究咁多，order咗一份！餐廳門外圍咗紅色欄干繩，唔通就嚟出爐會排長龍？唔係喎，到4點都未坐滿⋯⋯⋯我份梳乎到了，店員又再殷勤地介紹點呢個嗰個同嗰個（其實即係點晒）好好味架，趁熱食啦！」好，係咁依影張相趁熱開動。唔⋯⋯⋯⋯⋯⋯⋯⋯⋯唔係唔好味，係唔夠香甜，係冇乜蛋香、麵粉香味。一早知道食落去一口風咁樣，但連基本甜和香都冇乜，話晒$138仲要加一喎，其他嘢食都唔平架，諗住就算普通口味又叫做環境靚都好吖，但事與願遺，又幫唔到我氹自己開心，埋單之後冇話掛住想再去食囉！
今日心情又跌到谷低，又咁啱喺銅鑼灣，不如入去食個打卡少女至愛嘅郁郁郁梳乎厘，店員有禮招呼我坐好，立即指住$138招牌梳乎厘說：「呢個4點出爐，留一份畀你！」當時係3:45pm，但明明menu寫3pm出爐架喎⋯⋯是旦啦，唔考究咁多，order咗一份！
招牌梳乎厘班戟
$138
4 views
0 likes
0 comments
餐廳門外圍咗紅色欄干繩，唔通就嚟出爐會排長龍？唔係喎，到4點都未坐滿⋯⋯⋯我份梳乎到了，店員又再殷勤地介紹點呢個嗰個同嗰個（其實即係點晒）好好味架，趁熱食啦！」好，係咁依影張相趁熱開動。
唔⋯⋯⋯⋯⋯⋯⋯⋯⋯唔係唔好味，係唔夠香甜，係冇乜蛋香、麵粉香味。一早知道食落去一口風咁樣，但連基本甜和香都冇乜，話晒$138仲要加一喎，其他嘢食都唔平架，諗住就算普通口味又叫做環境靚都好吖，但事與願遺，又幫唔到我氹自己開心，埋單之後冇話掛住想再去食囉！
Post
