Video
Read full review
2016-08-27
588 views
作為街尾阿鴻嘅常客，佢響我公司樓下開店本來令我有少少期待，不過實際表現之差令我十分驚訝。佢係先落單，再拎嘢食，然後自己搵位坐，正宗大集團式快餐。由落單講起，今日係佢第一日營業，我都預佐佢會有甩漏，但係啲收銀員反應激慢，又唔熟收銀系統操作，連自己有咩賣都唔熟要問人，落單要我教返佢轉頭，明顯未準備好就開業。落單之後職員就叫我坐下等拎嘢食，之後我見到自己個號碼就出去拎嘢食啦，呢個時候就有個職員話今日第一日營業會拎俾我地，其他日子先自己拎。咁好服務我就坐定定等食啦。嘢食到，先黎嘅係蝦乾肉餅連例湯，例湯味道唔錯，但蝦乾肉餅味道就只係可以接受，同其他快餐店差唔多。過佐一陣職員送素鵝過黎，一入口居然好似雪櫃拎出黎嘅西瓜咁凍，我問職員係咪凍食，佢地係完全理解唔到個問題，一味問我地係咪想整熱佢，好喇，佢地整熱之後送返黎，食到中間果幾舊都係凍冰冰。我之後向一位"無著制服"嘅職員求證，佢證實個素鵝同阿鴻一樣係應該熱上嘅。正當我地同個職員求證緊，我地另一個餐同時叫緊號，就有個職員走埋黎摧我地去拎嘢食，話嘢食要自己拎。明明係佢地話今日開業會幫我地拎嘢食，又走黎摧三摧四，出爾反爾，而家的我打倒之前的我，我提示佢係
佢係先落單，再拎嘢食，然後自己搵位坐，正宗大集團式快餐。
由落單講起，今日係佢第一日營業，我都預佐佢會有甩漏，但係啲收銀員反應激慢，又唔熟收銀系統操作，連自己有咩賣都唔熟要問人，落單要我教返佢轉頭，明顯未準備好就開業。
落單之後職員就叫我坐下等拎嘢食，之後我見到自己個號碼就出去拎嘢食啦，呢個時候就有個職員話今日第一日營業會拎俾我地，其他日子先自己拎。咁好服務我就坐定定等食啦。
嘢食到，先黎嘅係蝦乾肉餅連例湯，例湯味道唔錯，但蝦乾肉餅味道就只係可以接受，同其他快餐店差唔多。過佐一陣職員送素鵝過黎，一入口居然好似雪櫃拎出黎嘅西瓜咁凍，我問職員係咪凍食，佢地係完全理解唔到個問題，一味問我地係咪想整熱佢，好喇，佢地整熱之後送返黎，食到中間果幾舊都係凍冰冰。我之後向一位"無著制服"嘅職員求證，佢證實個素鵝同阿鴻一樣係應該熱上嘅。
正當我地同個職員求證緊，我地另一個餐同時叫緊號，就有個職員走埋黎摧我地去拎嘢食，話嘢食要自己拎。明明係佢地話今日開業會幫我地拎嘢食，又走黎摧三摧四，出爾反爾，而家的我打倒之前的我，我提示佢係佢地話幫我地拎，佢先"記得"要幫我地拎。
豬頸肉飯到佐，食落都正正常常，但兩杯嘢飲就有嚇親我喇。杯熱檸水係室溫嘅，即係零熱度又唔係凍嘅。而我杯凍檸茶就完全飲唔出茶味，未整檸檬前係一杯極甜嘅凍水。果一刻我突然唸起食神，真係飲茶無茶味。
我會用 "求求其其 是是但但" 總結今次整體經驗。或者係我對阿鴻呢個名有少少期望，所以有極大失望。我一路食住對阿鴻嘅失望，一路望住佢企正響我身邊同"某某人"Social 緊，真係予欲無言。(由於本身無唸住寫食評，所以相片唔多)
新店開業
熱檸水(凍嘅)
24 views
0 likes
0 comments
凍檸茶(無茶味)
23 views
0 likes
0 comments
Post
