Video
Read full review
2022-10-20
446 views
今日要去筲箕灣做事，做完嘢都只係十一點幾，但係一場嚟到筲箕灣總唔會唔食一餐就走，就係咁，就行咗去東大街行吓睇吓有乜好食啦⋯⋯麵食一向都係我最愛，不過由東大街街頭行到去街尾都有幾間麵店，都唔係我心水，即使當中有三間都幾出名嘅老牌麵店，三間都試過都係名大於實，在心灰意冷諗住要離開筲箕灣時，突然間眼前一亮🤩令我眼前一亮的不是一間食店⋯⋯而係行到去電車總站，即將待開的一架叮叮車（電車）。它令我找到目標了，我嘅目標就係坐幾個站去西灣河，沁沁麵。坐叮叮車好快就去到西灣河文娛中心，落車行兩步就到，去到都係十二點，現場有位就即刻入坐，一坐低店員就推介我沁沁飯，話宜家剛剛開始發售，係最好味最推介。但係我嚟係想食麵喎⋯⋯食飯咪打亂晒我嘅計劃。我回答等我諗吓先。沁沁飯即係臘味雞焗油飯，我又真係好耐都無食過臘味，加上近日已經涼涼地，又真係幾吸引，好啦！既然推介就試吓啦！飯一上就已經聞到個飯好香，香得嚟又好陌生，呢個飯並唔係我曾經食過嘅普通臘味飯嘅味道，望落去個飯好靚，臘腸、鴨潤腸、臘鴨、滑雞都各兩件，飯粒一粒一粒好挺身，飯上面仲有一片飯焦，還有生葱點綴，賣相好好👍🏻真的很想知道食落口會有乜嘢味道。先來食一件滑
麵食一向都係我最愛，不過由東大街街頭行到去街尾都有幾間麵店，都唔係我心水，即使當中有三間都幾出名嘅老牌麵店，三間都試過都係名大於實，在心灰意冷諗住要離開筲箕灣時，突然間眼前一亮🤩令我眼前一亮的不是一間食店⋯⋯而係行到去電車總站，即將待開的一架叮叮車（電車）。它令我找到目標了，我嘅目標就係坐幾個站去西灣河，沁沁麵。
坐叮叮車好快就去到西灣河文娛中心，落車行兩步就到，去到都係十二點，現場有位就即刻入坐，一坐低店員就推介我沁沁飯，話宜家剛剛開始發售，係最好味最推介。但係我嚟係想食麵喎⋯⋯食飯咪打亂晒我嘅計劃。我回答等我諗吓先。
沁沁飯即係臘味雞焗油飯，我又真係好耐都無食過臘味，加上近日已經涼涼地，又真係幾吸引，好啦！既然推介就試吓啦！
飯一上就已經聞到個飯好香，香得嚟又好陌生，呢個飯並唔係我曾經食過嘅普通臘味飯嘅味道，望落去個飯好靚，臘腸、鴨潤腸、臘鴨、滑雞都各兩件，飯粒一粒一粒好挺身，飯上面仲有一片飯焦，還有生葱點綴，賣相好好👍🏻真的很想知道食落口會有乜嘢味道。
先來食一件滑雞，因為睇個樣都覺得係好嫩滑，放入口真的如眼睇一樣咁滑，並且很有味道⋯⋯很難形容，唯一要彈的時候雞肉有骨碎，食的時候要小心。臘腸:不算油也不算肥膩，不硬也算是淋，而且不太咸反而有淡淡玫瑰露的甜味，很好食👍🏻鴨潤腸一向都很少食，這種食品一向都不有好感，但試一下又真係幾好食，口感都係淋，沒有一般鴨潤腸的苦味，相反幾甘香，味道有啲似鵝肝醬的味道，使我以後對鴨潤腸這種食物改觀了。臘鴨都係淋，真係從來未試過，味道咸得嚟都可以接受，又係好味。飯焦係脆，很好食，諗起上嚟都好耐冇食過飯焦。最好味都非個飯莫屬，飯不油膩而呈黃啡色，而且一粒一粒飯都內藏水份，一口飯有複雜嘅味道，咸咸地又好好味，好難形容，連我一向都不好飯都覺得好味。
另外，麵店係走飲管食店，生意之外亦支持環保，係有良心嘅小店。
總結食評，這一個飯係從來未試過，味道好好有驚喜，而且仲要$46蚊無加一，一定會回頭再食👍🏻
沁沁飯
$46
21 views
1 likes
0 comments
Post
