Video
Read full review
2007-04-26
22 views
31-12-2006 1751難得屋企人肯出街兼去到咁鬼遠，最後某的原因完成唔到部份路段，縱管如此，仍打不斷食晚飯的興致，地點都係我話事，先走中式海鮮，咁只係剩番西餐\。好多食店好壞參半，搵的未去過，試完自己覺得唔好味唔緊要，其他人就無謂，除非好似我咁喜歡試。這類人越來越難搵，但有個好處係鍾意去邊就去邊，例如隨時為碗甜品及咖喱老遠入東涌及大澳，你話我係唔係傻架，東大街或電車路已經有啦！在這裡及其他blog 搵左好耐，先至最後選擇這間，原因在已執的灣仔食過兼睇番近期食評，差極有限，地點適中，唔駛係巿中心再轉車。未夠六點已經坐定定，人客得我同另一台。經過一輪選擇後，就點了5道菜。第1味菜是細Nachos (墨西哥粟米薄脆)，配牛油果芝士醬，唔會食食下就淋，表面上有少少辣椒粉，唔夠仲有一碗少少辣既茄醬，當然可以唔撈埋一齊食，平時連少辣都受唔起既媽媽都食左唔少，這味絕對是開胃不可缺少既dishes.第2味菜是凱撒沙律，加15蚊有燒雞或三文魚，我地要了燒三文魚，配合大粒炸麵包粒，直情係美式意大利餐\的特點：大份，味道也不錯，屋企人喜歡食菜，在不怕生的情況下掃清。跟住上的主菜便是店內其中一款較出名
難得屋企人肯出街兼去到咁鬼遠，最後某的原因完成唔到部份路段，縱管如此，仍打不斷食晚飯的興致，地點都係我話事，先走中式海鮮，咁只係剩番西餐\。好多食店好壞參半，搵的未去過，試完自己覺得唔好味唔緊要，其他人就無謂，除非好似我咁喜歡試。這類人越來越難搵，但有個好處係鍾意去邊就去邊，例如隨時為碗甜品及咖喱老遠入東涌及大澳，你話我係唔係傻架，東大街或電車路已經有啦！
在這裡及其他blog 搵左好耐，先至最後選擇這間，原因在已執的灣仔食過兼睇番近期食評，差極有限，地點適中，唔駛係巿中心再轉車。未夠六點已經坐定定，人客得我同另一台。經過一輪選擇後，就點了5道菜。
第1味菜是細Nachos (墨西哥粟米薄脆)，配牛油果芝士醬，唔會食食下就淋，表面上有少少辣椒粉，唔夠仲有一碗少少辣既茄醬，當然可以唔撈埋一齊食，平時連少辣都受唔起既媽媽都食左唔少，這味絕對是開胃不可缺少既dishes.
第2味菜是凱撒沙律，加15蚊有燒雞或三文魚，我地要了燒三文魚，配合大粒炸麵包粒，直情係美式意大利餐\的特點：大份，味道也不錯，屋企人喜歡食菜，在不怕生的情況下掃清。
跟住上的主菜便是店內其中一款較出名的: Dinosaur Ribs (秘製醬汁燒排骨)，還有粗薯條及蔬菜伴著，有少少甜，肉質偏瘦，稍為乾身，但可以接受，始終真係好食要有番咁上下肥，食到呢個時候差不多有八成滿，幾乎每一檯都點，包括情侶，佢\地當然食剩啦！
沒有五穀\類食品始終埋唔到尾，尤其全家都係飯桶。我地就要了另一款呢度出曬名既新奧爾良精選薄餅(New Orleans), 裡面有香草雞柳、菠蘿、烤薯、磨菰配甜酸醬及酸忌廉，加上傳統的薄批，酸忌廉及其他材料所帶出的惹味是其他薄餅都食唔到。
最後一味便是農場蔬菜茄汁意粉，以為係清淡，點知原來係辣，大家都唔到英文的形容為“Garden Fresh Vegetables with Spicy Tomato Sauce”，失策失策，所以有時呢的名真係最好睇睇英文，得個名都唔知食乜就唔好啦。
埋單每位唔駛百一蚊，最緊要老媽子少有唔投訴唔好食及唔值咁既價錢，面色絕對正常，可能上兩個禮拜先投訴完叫左個成幾百蚊既鱷魚湯=.=”。
Post
