Video
Read full review
2013-10-11
67 views
每個週五都會去天后湊女,等興趣班完例必四處搵食. 今日阿女話好餓唔想等,唯有就地搵間...... 這間店已經開業幾年(留意下文)外面紅燈籠甚搶眼一直都沒有變. 開業初我有食過一次印象好好,湯底同麵都係有水準,我記得係日本人招待的.... 基於這個美好的前經驗我沒有想清楚便入去了入去第一感覺係唔對路 日本人無了, 冷清, 有兩枱客,一個著制服的女侍應,另外有兩個街坊裝的長者和那女侍應坐埋一枱(初時唔知佢地係客人定職工). 好入正題, 我們入到去無人招呼(佢地只係望住我地但無任何反應),我見大把位求其坐底即睇menu. 本menu同以前差唔多,有d對拉麵詳細既介紹咁,除了menu外仲有一頁廚師推介既菜單,睇完我都仲以為係以前果間, 之前(上手)呢度係專食拉麵的,我個女仲記得上次係叫左蝦天婦羅拉麵.但我入去之前見到有咖哩飯,我同個女都係die hard日式咖哩迷,所以我們點了一個日式咖哩肥牛飯($50)和一個日式咖哩蝦天婦羅飯($53). 好啦, 戲肉就係點完菜開始, 我見無野好做就四圍望吓同之前有咩唔同,始終係感覺到有d唔妥關係.... 點知比我見到剛才提過的兩位長者其中一位正在"捽.
入去第一感覺係唔對路 日本人無了, 冷清, 有兩枱客,一個著制服的女侍應,另外有兩個街坊裝的長者和那女侍應坐埋一枱(初時唔知佢地係客人定職工).
好入正題, 我們入到去無人招呼(佢地只係望住我地但無任何反應),我見大把位求其坐底即睇menu. 本menu同以前差唔多,有d對拉麵詳細既介紹咁,除了menu外仲有一頁廚師推介既菜單,睇完我都仲以為係以前果間, 之前(上手)呢度係專食拉麵的,我個女仲記得上次係叫左蝦天婦羅拉麵.但我入去之前見到有咖哩飯,我同個女都係die hard日式咖哩迷,所以我們點了一個日式咖哩肥牛飯($50)和一個日式咖哩蝦天婦羅飯($53). 好啦, 戲肉就係點完菜開始, 我見無野好做就四圍望吓同之前有咩唔同,始終係感覺到有d唔妥關係.... 點知比我見到剛才提過的兩位長者其中一位正在"捽......"腳捽完又撩鼻我見佢地只係坐係度所以無理,點知話口未完廚房起菜,個阿婆即該起身去攞我即刻出聲話"嘩!捽完腳唔洗手又傳菜比客,有無攪錯..." 可惜.竟然無人聽到. 結果果牒野比左最遠果枱,我晒咀,唯有密切留意佢一舉一動!!! 之後佢再送多一牒比果枱,我終於忍受唔到同著制服果位侍應投訴 佢聽完之後佢只係比個驚訝表情我就行開左,我以為佢會做d野(至少都叫個阿婆去洗手啦)... 點知係佢咩都無做, 阿婆完全無離開過我視線,無洗手!!侍應都無同佢講過說話!! 意見接受,態度依舊!! 女侍應見我怒目相向,佢唯一為我做既就係親自傳菜給我們
好.... 如果你仲有興趣/食慾既話就可以繼續.
1) 日式咖哩肥牛飯 - 先講日式咖哩汁, 佢絕對唔係日式咖哩,叫"特"式咖哩比較恰當,奶黃色小小spicy,其實唔應該係奶黃色...有d核突 味道係我從來未食過既忌廉雞湯味既咖哩...死未. d肥牛反而有驚喜,因為佢唔係用街市凍肉果d超多肥膏同肋既牛,佢用牛腩片,呢樣幾特別,份量也多.
2) 日式咖哩蝦天婦羅飯 - 汁一樣, 蝦天婦羅兩隻, 不過佢唔係天婦羅,正確係吉列炸蝦至真... 脆但皮太厚.... 無言了
我一路食都無出聲, 我個女同我講" Daddy, 點解d咖哩既味怪怪地....?" 然後同我講以後都唔再黎.
p.s 我個女係9歲為食精.
Other Info. :
如果你們連最基本"眼不見為乾淨"都做唔到, 在食店林立的天后我看不到你有生存空間. 茶記都不如仲要收加一更加無厘頭, 失望.
(The above review is the personal opinion of a user which does not represent OpenRice's point of view.)
Post