Video
Read full review
2018-08-08
5665 views
恭喜琪慰終於嫁得出喇 ﹗各路英雄豪傑用自己方法早早到場寒暄問候幾番。步入奇異婚宴禮堂，裝潢佈置大方得體。交低入場費後，發現座位表上並沒有我的名字，那我應該去那？臨時邀請我出席的嗎？原來給牙簽角色我擔任也毫不知情，心裏有半秒間的酸溜溜。其實都無咩所謂，相識一場逢請必到，當作朋友們聚聚見見面食餐飯，但餐飯真係貴左少少既。酒精供應有限？大家唯有趁未開席浩浩蕩蕩衝落樓下 cafe 飲雙啤酒兼抽幾根煙高興下聚聚舊。飲夠啤酒大家回到席上坐定定等開飯，心急如焚，好肚餓呀！還有空檔時間影埋張大合照先，半檯都好少坐埋一齊食餐飯，都係酒吧見多。大紅乳豬全體，好野黎喎！優質肉香非常，薄薄油肪黏著嫩肉，身材均秤，只係脆皮一咬就散要扣分。翡翠鳳舞花姿，西蘭花雞柳花枝片，雞柳乸到腍劈劈，醃過火偏咸，普通酒樓水準。花枝片都係腍劈劈不脆不彈，西蘭花爽嫩鮮甜最好味！蠔皇金錢鮮鮑片，生菜配蠔汁絕配無得頂，濃味蠔汁撞上多水生菜剛剛好，爽甜可口。鮑片滑彈有鮑味，滑得黎嚥韌，鮮鮑味濃，合格。銀湖伴鴛鴦，蟹肉扒雙蔬變種為蟹肉扒菇蔬，落味偏淡口，蟹肉太少食不到也看不見，感覺似普通蛋白芡，朋友仔評為賽螃蟹，哈哈。冰凍水味濃的小棠菜最
臨時邀請我出席的嗎？原來給牙簽角色我擔任也毫不知情，心裏有半秒間的酸溜溜。其實都無咩所謂，相識一場逢請必到，當作朋友們聚聚見見面食餐飯，但餐飯真係貴左少少既。
酒精供應有限？大家唯有趁未開席浩浩蕩蕩衝落樓下 cafe 飲雙啤酒兼抽幾根煙高興下聚聚舊。飲夠啤酒大家回到席上坐定定等開飯，心急如焚，好肚餓呀！還有空檔時間影埋張大合照先，半檯都好少坐埋一齊食餐飯，都係酒吧見多。
大紅乳豬全體，好野黎喎！優質肉香非常，薄薄油肪黏著嫩肉，身材均秤，只係脆皮一咬就散要扣分。翡翠鳳舞花姿，西蘭花雞柳花枝片，雞柳乸到腍劈劈，醃過火偏咸，普通酒樓水準。花枝片都係腍劈劈不脆不彈，西蘭花爽嫩鮮甜最好味！
蠔皇金錢鮮鮑片，生菜配蠔汁絕配無得頂，濃味蠔汁撞上多水生菜剛剛好，爽甜可口。鮑片滑彈有鮑味，滑得黎嚥韌，鮮鮑味濃，合格。
銀湖伴鴛鴦，蟹肉扒雙蔬變種為蟹肉扒菇蔬，落味偏淡口，蟹肉太少食不到也看不見，感覺似普通蛋白芡，朋友仔評為賽螃蟹，哈哈。冰凍水味濃的小棠菜最討厭！微暖厚厚鮮冬菇，滑嘟嘟散發微弱菇味，可以的。
百花炸釀蟹拑，厚厚麵包粒感覺不良好，有著人造殼保護一樣，影響口感與味道。炸麵包味道強烈，蓋過所有蝦蟹鮮味。淋上甜酸醬完全吸收染成橙紅色，放入嘴仔趙趙，甜酸味霸道，鮮味彈性都欠奉，傳統做法才最好味！
紅燒竹笙花膠翅，非常有碗仔翅的風格及味道，濃濃老雞香甜湯底，滑潺潺的肉碎，爽爽竹笙幼絲，不想大海撈針喇，一飲而盡！晶瑩透亮有光澤的湯汁，清甜不澀不腥，最後呷啖醋，禮成！
當紅脆皮雞，還有微微體溫，皮脆肉嫩，胸棉髀彈不乾鞋不起渣，咬落仲有肉汁添喎。落味淡而雞味薄弱，滾滿黑糖豉油好好味喎，加分！
清蒸沙巴龍躉，騰雲駕霧飄著煙到來！魚肚、面珠登梗係我梗啦，唔客氣喇，嘩哈哈！個個都係愛魚食家，客氣生疏食少好很多！千奇咪手軟，殺呀！
高質蒸魚時間剛剛好，魚肉微微黏骨，淋上甜美蒸魚豉油加魚汁精華，魚身啖啖結實嫩肉，魚味濃厚散發清香蔥味。魚肚滑嘟嘟，微膠黏彈；面珠登爽爽的，獨特的鮮甜味道，物以罕為貴。
錦繡炒飯，濕淋淋無鑊氣淡茂茂，菜粒火腿蝦仁，來個揚州炒飯更好。雙喜伊麵，腍劈劈發脹麵條，沒有生老抽的香甜味美，落味單調，兩注放棄。
大紅乳豬全體
256 views
0 likes
0 comments
翡翠鳳舞花姿
155 views
0 likes
0 comments
蠔皇金錢鮮鮑片
132 views
0 likes
0 comments
銀湖伴鴛鴦
117 views
0 likes
0 comments
百花炸釀蟹拑
97 views
0 likes
0 comments
紅燒竹笙花膠翅
80 views
0 likes
0 comments
當紅脆皮雞
150 views
0 likes
0 comments
清蒸沙巴龍躉
108 views
0 likes
0 comments
清蒸沙巴龍躉
83 views
0 likes
0 comments
錦繡炒飯、雙喜伊麵
90 views
0 likes
0 comments
Post
