Video
Read full review
2016-08-07
1444 views
有睇開我寫嘅食評都可能知道本人非常喜歡食牛肉同羊肉，牛肉就好多香港人都鍾意食， 所以香港先有咁多不同國家嘅扒房同Burger店引入香港， 令香港人更有口福~ 至於食羊肉就唔係太多香港人鍾意食， 因為羊肉總係有一股羊羶味，好多人對於這個味有一定的抵觸心理。 相反， 我就好喜歡食到有羊膻味嘅羊肉。可惜香港有得食羊嘅地方選擇唔多， 而Doner Kebab裏面一定有羊肉選擇，Kebab Shop 一般都係位於港島嘅灣仔或者係九龍嘅尖沙咀居多。 以前返工地方係港島， 試過唔少灣仔Kebab Shop， 九龍就少D，所以今次就揀咗位於尖沙咀嘅Kebab Shop試食！一進入呢間精型店鋪內， 已經有一位木無表情嘅外籍黑皮膚女侍應企係面前安排我同友人坐門口位 (其實店裏都係得4~5檯位， 可能沒什麼客人， 想我哋係近門口等路人知道有客人品嚐佢地嘅食物啩~) 。 冷氣唔多夠攪到入面有少少焗， 而且外面又熱， 坐係門口位都幾熱， 不過有少少熱嘅街風都好過入面嘅焗風。睇完Menu就落order, 又係頭先個位唔太想service同無表情嘅女侍應來接order (因為全店得佢一位侍應，滴汗！) 我哋叫咗
至於食羊肉就唔係太多香港人鍾意食， 因為羊肉總係有一股羊羶味，好多人對於這個味有一定的抵觸心理。 相反， 我就好喜歡食到有羊膻味嘅羊肉。可惜香港有得食羊嘅地方選擇唔多， 而Doner Kebab裏面一定有羊肉選擇，Kebab Shop 一般都係位於港島嘅灣仔或者係九龍嘅尖沙咀居多。 以前返工地方係港島， 試過唔少灣仔Kebab Shop， 九龍就少D，所以今次就揀咗位於尖沙咀嘅Kebab Shop試食！
一進入呢間精型店鋪內， 已經有一位木無表情嘅外籍黑皮膚女侍應企係面前安排我同友人坐門口位 (其實店裏都係得4~5檯位， 可能沒什麼客人， 想我哋係近門口等路人知道有客人品嚐佢地嘅食物啩~) 。 冷氣唔多夠攪到入面有少少焗， 而且外面又熱， 坐係門口位都幾熱， 不過有少少熱嘅街風都好過入面嘅焗風。睇完Menu就落order, 又係頭先個位唔太想service同無表情嘅女侍應來接order (因為全店得佢一位侍應，滴汗！) 我哋叫咗個 Doner Pizza Special with Lamb (羊肉薄餅) ,Lamb Doner Roll 同凍飲， 全羊餐， 哈哈！！
(因為入面太焗熱影響， 沒有心情影店內嘅相， 所以只係簡單影咗少少menu同之後嘅食物就算。)
接完我哋嘅order 後， 有位外籍男人入來order 咗個Pizza Take Away。。。等咗5分鐘位女侍應就上咗凍飲， 之後佢就返去後面繼續傾計。。。
再等10 多分鐘，個Lamb Doner Roll就到喇， 心諗終於有得食羊喇， yeah yeah~
Lamb Doner Roll
$78
175 views
0 likes
0 comments
等~~等~~等~~~
就係咁我哋等多差不多半個鐘， 個Pizza都未得， 而個位外籍男叫咗個Take Away Pizza都一樣未整好。 我由落完order 到依家已經有成45分鐘以上， 個Pizza 都可以係未上檯！！！
(我心諗得我一檯客同Take Away 男落order 啫， 兩個Pizza 要攪咁耐~~?? )
個外籍男同我都忍唔住， 大家志同道合分別地向女侍應問問什麼一回事！！ 個女侍應態度好閔咁回應話因為個Pizza係即叫即做，所以要時間去整， 要俾多10分鐘先得。 我同友人都覺得間店鋪又熱， 又等咗差不多成50分鐘都話未得， 並且個女侍應態度又差， 諗住唔要， bill please 就算！ 點知個外籍男同我哋嘅諗法都一樣， 佢就要求money back。個女侍應見我哋異口同聲話唔要個Pizza, 突然佢以態度差差嘅語氣轉軚話大家嘅Pizza OK喎。 頭先明明話要等多10 分鐘先可以， 依家大家話走佢就想將個未熟嘅Pizza出爐封住客人嘅口就算， 咁都可以嘅~~??
當然我同位外籍男都唔接受喇，我哋成肚氣俾完錢之後就走，出咗門後我位友人問我點解我仲咁傻俾tips呀， 我先諗起"係喎， 咁嘅服務態度， 我仲俾， 真係超傻！"
講真，以前我都好怕聞到羊羶味呢種味道，只係之後有機會去咗國外讀書， 除咗當地天氣凍，得幾度，食羊肉可以保暖外， 最主要係因為有一次我同學介紹我食Lamb Doner, 開頭我係Kebab Shop 門口見到一大條肉一大條肉咁插住係個爐上面， 傻傻地仲以為係大香腸或者係大火腿， 有什麼特別！ 外國同香港嘅kebab shop做得好唔同， 外國係切咗一條條長身嘅羊肉片放入圓形口袋狀嘅皮塔餅(Pita)，之後加配菜同sauce，肉同配菜比例大約係7 : 3 ，完全食到主菜係羊肉， 蔬菜係配菜， 味道鮮明， 仲自此令我瘋狂愛上食羊添。
可是香港嘅lamb doner 大部分嘅做法都係將羊肉切成細片加配料再捲成roll, 令到羊肉同配菜捲成太緊密， 口感太過飽滿同味道太多， 食唔出自己食緊什麼東西~~
希望下次可以食到不錯嘅Kebab喇~~
Post
