Video
Read full review
2019-09-26
3939 views
北角新商場新餐廳，同家人黎試下，順便慶祝兩位家人生日。由於住附件，收到單張，“星級推介” 北京片皮鴨同埋正宗古法鷄煲翅。好似好吸引！呢幾日又中秋，決定同家人食餐好！我地一行6個大人2個BB，去到問BB凳。死啦，得比大BB坐個只，冇harness，好唔secure。點算。。。諗住近近地叫老公返屋企拿自己私家凳。。。好彩個部長識做，去樓上酒樓借咗兩張BB 凳！北京片皮鴨優惠價HK$398/只加送兩食：涼瓜炆鴨身、生菜包鴨崧包、翡翠炒鴨絲（3選2）呢個認真的，銷售手法有問題。唔止我地個台，隔離台都問，點解收pamphlet 就話3選2，但黎到就得3選1？大家都好疑惑。部長一味就話廣告落錯！可以咁架咩？我地都黎到，車又拍好，BB 凳又幫我地攞咗。。。唯有就範。。。但我聽到隔離台都好不高興呢間餐廳咁樣做生意。我地選擇咗既二食：生菜包鴨崧包講返個片皮鴨。其實認真，好耐冇食過咁冇水準既片皮鴨。肉切得不夠薄，每一塊都切得毫無美感（好似我切咁既樣）。啲皮厚到一個點-我拿一塊去包，食到一半，要unwrap我塊鴨，塊皮要切開一半，如果唔係，我應該飽到唔洗食其他野。而且又冇話攞個小蠟燭盤去坐熱啲皮。好失望。我
由於住附件，收到單張，“星級推介” 北京片皮鴨同埋正宗古法鷄煲翅。好似好吸引！呢幾日又中秋，決定同家人食餐好！
我地一行6個大人2個BB，去到問BB凳。死啦，得比大BB坐個只，冇harness，好唔secure。點算。。。諗住近近地叫老公返屋企拿自己私家凳。。。好彩個部長識做，去樓上酒樓借咗兩張BB 凳！
北京片皮鴨
優惠價HK$398/只
加送兩食：涼瓜炆鴨身、生菜包鴨崧包、翡翠炒鴨絲（3選2）
呢個認真的，銷售手法有問題。唔止我地個台，隔離台都問，點解收pamphlet 就話3選2，但黎到就得3選1？大家都好疑惑。部長一味就話
廣告落錯！可以咁架咩？我地都黎到，車又拍好，BB 凳又幫我地攞咗。。。唯有就範。。。但我聽到隔離台都好不高興呢間餐廳咁樣做生意。
我地選擇咗既二食：生菜包鴨崧包
32 views
1 likes
0 comments
34 views
0 likes
0 comments
講返個片皮鴨。其實認真，好耐冇食過咁冇水準既片皮鴨。肉切得不夠薄，每一塊都切得毫無美感（好似我切咁既樣）。
啲皮厚到一個點-我拿一塊去包，食到一半，要unwrap我塊鴨，塊皮要切開一半，如果唔係，我應該飽到唔洗食其他野。
而且又冇話攞個小蠟燭盤去坐熱啲皮。
好失望。我地一家，對後面未上既菜，好擔心。
生菜包鴨崧包
29 views
0 likes
0 comments
好彩，呢個生菜包鴨崧包比較正常。冇啲咩挑剔，但都唔係特別出衆。（尤其是本身我地expect有得揀兩款二食）
古法鷄煲翅
優惠價HK$398/例煲
味道不錯，但偏油。因爲要喂bb關係，到我飲既時候，面層已經有一塊"油皮“。。。
不過味道ok。
頭抽香煎斑球 $298
28 views
0 likes
0 comments
呢個比較失望。我地一家比較喜歡重口味，所以點呢個煮法既斑球。但竟然頭抽香煎都蓋過唔到呢個魚既魚鍟味。。。不推介。
鮮鳳梨咕嚕肉 $198
24 views
1 likes
0 comments
呢個咕嚕肉ok。真係ok。好少地方咕嚕肉有呢個水準。外脆，唔多粉，裏面肉質都ok!呢個值得推介！
大澳蝦醬唐生菜煲 $148
30 views
0 likes
0 comments
啫啫生菜煲好野味。好香，好吸引。好味道！
豉汁帶子蒸豆腐 $218
27 views
0 likes
0 comments
呢碟好普通，覺得好似不值呢個價錢。豆腐大大舊，但帶子就冇出色，值情唔覺得有帶子既存在。
乾燒伊麵
32 views
0 likes
0 comments
同一班中價/大衆化酒樓既伊麵比，可能真係差唔多。。。但因爲有人生日，所以都要食伊麵。如果唔係，一定會叫其他野食。
總括黎講，試過，就算。冇回頭。
插曲：食飯中途，好大陣煙味傳出。可能因爲有private room關係。我地台有BB，我地即刻同侍應講。好彩佢處理得快，如果唔係我已經準備打比控烟辦。
插曲2：佢地應該請咗好多臨時工，啲姐姐非常缺乏經驗。不斷問我可唔可以收走我啲碗碟，但問題係，我啲碗碟都未用過？點解要重複問我？但當我地碗碟真係要換個時，啲姐姐又唔黎收走？我好亂啊！
Post
