Bouillon

Open Now

Now Closed

試過book幾次都book唔到，卒之有機會試吓，Book咗下晝1:45，早咗一陣啦，座無虛席，不過都可以入座，兩個人坐吧枱，Set lunch Menu唔係太多選擇，不過大部份choice都幾給我心水，餐廳唔係好大，有少少迫夾，今次坐係吧枱，其實都幾舒服，服務員都幾attentive，服務大致上都唔錯，落單之後冇耐就上菜，麵包有質素，尤其是旁邊嘅牛油，嗌咗Rose ，飲落去都唔差，頭盤係prawn cocktails和melon gazpacho，有份量有賣相，味道亦都好好，蝦嘅醬汁係自己調校出嚟，唔係一般嘅千島醬，味調校得好好，個湯飲到好多種唔同味道，清新舒服，主菜就比較重口味少少，鴨腿皮脆，加埋醬汁配菜真係好食，羊胺好夠火喉夠入味，Presentation好好，基本上前菜加主菜都已經幾飽，之後就一路飲多幾杯rose、咖啡和一路無限加添嘅過濾水（每位計），一路坐咗兩個幾鐘，又唔會趕你走，就好似喺巴黎小餐廳渡過一個休閒嘅下午⋯⋯