Video
Read full review
2018-05-09
221 views
上次我食兆萬同躉大廈另一間放題時，o係下面曾經拎過好多唔同傳單，當時因為book 實o左o個間無幫襯到呢d，之後都有再研究下，今日想試下新o野，所以決定食呢間神戶屋。因為有訂檯，一人送一款海膽刺身、生蠔或者韓國雪條三選一！雪條臨尾先攞啦，我地仲有一份生蠔，係幾大o既一隻，滑溜q 彈，帶點海水o既鹹味。日本和牛壽喜燒同埋韓式芝士部隊鍋係入座贈送，只限叫一個。感覺上叫和牛好似會抵好多，哈哈……d 牛肉唔算好多油花，但仍然鬆軟唔韌，肉味濃郁。個壽喜燒湯底味道甘甜，d 豆腐、菜同金菇吸晒d 湯o既精華，變得好惹味！因為想試多d 唔同o野，我地唔係叫o左好多刺身。三文魚夠晒厚切，象拔蚌靈舍彈牙，海螺好鮮甜，迷你北寄貝其實都正常size 唔知點解叫迷你？個人特別鍾意泰式生蝦刺身，貪佢辣得幾過癮，天使蝦則啖啖肉，口感唔錯。炸物首先要推介沖繩網紙蝦卷，真係好好食呢個，係隻由好多層薄脆o既皮包住o既炸蝦，超級鬆脆而唔油膩，內裡隻蝦o岩o岩上時仍然係熱熱的，一啖咬落去，讓我十分驚嘆……另外個韓國蜂蜜芥末炸雞，配埋o個隻醬都幾特別。鐵板紐西蘭羊架油份充足，燒到好香。我地招牌炒蜆同清酒煮蜆都有叫，前者好大碟，
因為有訂檯，一人送一款海膽刺身、生蠔或者韓國雪條三選一！雪條臨尾先攞啦，我地仲有一份生蠔，係幾大o既一隻，滑溜q 彈，帶點海水o既鹹味。
日本和牛壽喜燒同埋韓式芝士部隊鍋係入座贈送，只限叫一個。感覺上叫和牛好似會抵好多，哈哈……d 牛肉唔算好多油花，但仍然鬆軟唔韌，肉味濃郁。個壽喜燒湯底味道甘甜，d 豆腐、菜同金菇吸晒d 湯o既精華，變得好惹味！
因為想試多d 唔同o野，我地唔係叫o左好多刺身。三文魚夠晒厚切，象拔蚌靈舍彈牙，海螺好鮮甜，迷你北寄貝其實都正常size 唔知點解叫迷你？個人特別鍾意泰式生蝦刺身，貪佢辣得幾過癮，天使蝦則啖啖肉，口感唔錯。
炸物首先要推介沖繩網紙蝦卷，真係好好食呢個，係隻由好多層薄脆o既皮包住o既炸蝦，超級鬆脆而唔油膩，內裡隻蝦o岩o岩上時仍然係熱熱的，一啖咬落去，讓我十分驚嘆……另外個韓國蜂蜜芥末炸雞，配埋o個隻醬都幾特別。
沖繩網紙蝦卷(右上)、韓國蜂蜜芥末炸雞(下)
22 views
0 likes
0 comments
鐵板紐西蘭羊架油份充足，燒到好香。我地招牌炒蜆同清酒煮蜆都有叫，前者好大碟，豉椒中式煮法十分濃味，清酒o個個則係日式淡淡般清香醇滑，各有特色。
韓國雪條有好多款自己揀，之前o係其他地方食過melona，今次一試新o野，試o左呢隻lavelee 芝士雪條。芝士味雪條真係第一次食，係芝士蛋糕咁o既味，芝士味仲要再重一d，而且較為軟滑。
lavelee the cheese 芝士雪條
46 views
0 likes
0 comments
最後想講，d 侍應都幾年輕有魄力，成日走過o黎問有無漏單呀，執o野又勤快。
Post
