開花結果 (榮吉工業大廈) (Under Renovation)

今日嚟到荔枝角工廠區呢頭搵野食 俾個店名吸引咗 開花結果個寓意好似係啲嘢順利去到想要嘅結果咁🌻 非常正面冇諗過咁多人幫襯 可能呢頭多人返工 好彩我算早放lunch 所以啱啱好唔駛等位 但坐低大概五分鐘到 全店坐滿 非常犀利😺沙律除咗鮮果沙律之外 全部都冇得走沙律醬😮 皇牌經典套餐 我地揀咗煙三文魚法包 法包入面都有千島醬同番茄配煙三文魚 唔會好乾身🐟 再可選兩款沙律 吞拿魚沙律同埋菠蘿粟米蛋沙律 包括有菠蘿 粟米 碎蛋 沙律醬 沙律好足料 而且兩款沙律嘅份量都好多 簡直係顛覆咗我對沙律嘅想像😂吞拿魚沙律 入面有吞拿魚 火腿 粟米 生菜 沙律醬 同樣都係好足料 個人比較鍾意呢款 因為有好多好多吞拿魚 而且呢個單點嘅沙律份量多到好似碗飯咁多😧 真係嚇親 要食晒都要幾大胃口先做到除咗沙律之外 都有其他飯類嘅午餐可以選擇👻茉香珍珠奶綠 呢杯唔記得咗影😋 都只係加八蚊姐 唔會好甜 令呢餐午餐好滿足🧋