金沙角大牌檔 (Moved) New Location

這是第一次到沙角邨品嘗真正的田乳鴿，大熱天時入到去其實唔係話好熱，正在豫疑入唔入之際，老闆好熱誠咁衝出黎咁招待我哋入去坐，重話入面有冷氣位添……哈哈！咁我哋就好放心咁入去坐底左，嘩！冷氣位部份真係坐無虛席。一坐底就梗係叫左2隻沙田乳鴿先啦，另外重叫左椒鹽鮮魷、蝦醬炒通菜、豉椒炒花甲、黃金蝦 and 鮮豬潤啫啫雞煲。首先係碟椒鹽鮮魷黎先，表面個脆漿一啲都唔厚重好香疍香味，個鮮魷啱啱熟所以好林好鮮味，正呀！跟住主角出場…沙田乳鴿黎到，大家二話不說咁用手拎住食，個皮好脆啲肉又嫩就連啲骨都係軟架，味道不太鹹，贊呀！講番個豉椒炒花甲同黃金蝦味道都幾好，又唔會太過鹹，黃金蝦啲鹹疍黃 texture 唔會太過漿住個口，而且好均勻咁分佈响隻蝦庶。但係個鮮豬潤啫啫雞煲就差左，個雞同豬潤就鞋左，但反而啲配料干蔥同洋蔥就好好味。最開心就係飲左支裝芬達橙汁，真係好飲過罐裝好多！至於服務都OK 但係就係唔係咁夠人手，叫飯同飲品就要等啲樓面阿姐行過先叫到，不過全香港啲大排檔都係咁，所以都慣哂。下次路過都會再試其他菜式。