Video
Read full review
2024-12-13
129 views
沙田區特色罕有越南菜 - 越男仔今日去河畔搵朋友, 行到熱熱地, 大家都想食d開胃野, 一於食下平時比較少食嘅越南菜 - 越男仔. Adrian一坐低就話要海南雞飯, 果然真係一個海南雞飯粉. 越男仔嘅海南雞飯起哂骨啖啖肉, 小朋友食真係啱晒!! 黃薑飯粒粒分明, Adrian密密食密密食, 好快就KO晒個海南雞飯.爸爸叫左佢嘅至愛… 火車頭… 係火車頭煲. 火車頭粉就食得多, 真係第1次見紅番茄火車頭煲… 佢係用個打邊爐鍋一路煲一路食, 好啱而家冬冬地嘅天氣, 咁就唔怕d食物會好快凍晒. 有齊牛肉 / 牛筋 / 牛丸 / 牛柏葉, 啱晒牛魔怪爸爸.媽媽就叫左生牛雙蝦椰汁酸湯檬, 睇個名諗唔到係咩味道, 一試真係又特別又好食, 絕對值得試一試!! 湯底酸酸甜甜好開胃, 再加埋生牛肉同有少少火炙過嘅蝦, 成個配搭好驚喜, 爸爸試左1啖都話可以再encore!!!另外仲叫左串燒拼盤, 分別有雞肉 + 豬肉 + 牛肉各2串, 配埋燒菠蘿, 樣樣都燒到外脆內嫩多汁, 真係為今餐寫上一個完滿嘅句號.
今日去河畔搵朋友, 行到熱熱地, 大家都想食d開胃野, 一於食下平時比較少食嘅越南菜 - 越男仔.
Adrian一坐低就話要海南雞飯, 果然真係一個海南雞飯粉. 越男仔嘅海南雞飯起哂骨啖啖肉, 小朋友食真係啱晒!! 黃薑飯粒粒分明, Adrian密密食密密食, 好快就KO晒個海南雞飯.
爸爸叫左佢嘅至愛… 火車頭… 係火車頭煲. 火車頭粉就食得多, 真係第1次見紅番茄火車頭煲… 佢係用個打邊爐鍋一路煲一路食, 好啱而家冬冬地嘅天氣, 咁就唔怕d食物會好快凍晒. 有齊牛肉 / 牛筋 / 牛丸 / 牛柏葉, 啱晒牛魔怪爸爸.
媽媽就叫左生牛雙蝦椰汁酸湯檬, 睇個名諗唔到係咩味道, 一試真係又特別又好食, 絕對值得試一試!! 湯底酸酸甜甜好開胃, 再加埋生牛肉同有少少火炙過嘅蝦, 成個配搭好驚喜, 爸爸試左1啖都話可以再encore!!!
另外仲叫左串燒拼盤, 分別有雞肉 + 豬肉 + 牛肉各2串, 配埋燒菠蘿, 樣樣都燒到外脆內嫩多汁, 真係為今餐寫上一個完滿嘅句號.
Post
