Video
Read full review
2022-06-09
139 views
之前去過麗豪，感覺呢間酒店有啲神秘，今次嚟呢間喺地下嘅食肆，記得唔需要進入酒店，喺外圍進入就可以。估唔到呢間舖頭係好有酒吧感覺，似係注重飲酒嘅地方，一入門口已經見到張大波枱，而且仲有幾部大電視，相信如果係有球賽嘅話，喺度睇波應該都會幾好氣氛。今日晚市時間嚟，餐廳就播YouTube嘅歌，鍾意餐廳有啲音樂唔想咁靜局嘅話就啱晒。我地一坐低就有侍應放碗蝦條落嚟，仲唔係酒吧格局？我咁岩揸車，只可以飲mocktail，叫咗杯Virgin Mojito，係好好飲嘅，啲薄荷非常新鮮，我最鍾意佢唔太甜，非常清新。食物呢度就係串燒主打，唔同嘅食物佢哋會配唔同嘅調味，肉類主要係孜然粉為主，你可以揀大辣小辣唔辣，我試小辣我自己覺得剛剛好，燒蔬菜呢就會用其他調味粉，呢度嘅雞泡魚乾都做得非常出色，送酒一流。個價錢都幾驚喜㗎，依家九龍區食串燒絕對唔平，但呢度都仲有啲十幾蚊一串嘅嘢，其實真係好適合住喺附近嘅居民嚟，唔使dress up，純粹同朋友傾吓計，飲下酒，食下串燒，Chill！
估唔到呢間舖頭係好有酒吧感覺，似係注重飲酒嘅地方，一入門口已經見到張大波枱，而且仲有幾部大電視，相信如果係有球賽嘅話，喺度睇波應該都會幾好氣氛。
今日晚市時間嚟，餐廳就播YouTube嘅歌，鍾意餐廳有啲音樂唔想咁靜局嘅話就啱晒。我地一坐低就有侍應放碗蝦條落嚟，仲唔係酒吧格局？
我咁岩揸車，只可以飲mocktail，叫咗杯Virgin Mojito，係好好飲嘅，啲薄荷非常新鮮，我最鍾意佢唔太甜，非常清新。食物呢度就係串燒主打，唔同嘅食物佢哋會配唔同嘅調味，肉類主要係孜然粉為主，你可以揀大辣小辣唔辣，我試小辣我自己覺得剛剛好，燒蔬菜呢就會用其他調味粉，呢度嘅雞泡魚乾都做得非常出色，送酒一流。
個價錢都幾驚喜㗎，依家九龍區食串燒絕對唔平，但呢度都仲有啲十幾蚊一串嘅嘢，其實真係好適合住喺附近嘅居民嚟，唔使dress up，純粹同朋友傾吓計，飲下酒，食下串燒，Chill！
Post
