Explorer Fusion Restaurant (Closed)

間中都會特登走入沙田食野，但近排唔多想係沙田食，上網一搵原來去石門都係好近嘅事，係大圍只係搭車搭多10分鐘就去到石門站。呢間小店主打高質刺身壽司加西式食物，門口有附近比較少有嘅戶外座位，外內設計都幾有特色。Menu 方面選擇都唔少，有佐酒小食，刺身，意粉，主肉食，沙律，飲品方面有大杯啤酒、紅白酒同清酒。原本無諗過要飲酒，但太耐無飲過啦，叫杯Hoegaarden 飲下先，價錢都唔貴，中杯$50。主食就點咗慢煮牛配薯角同黑松露忌廉汁意粉配溫泉蛋。雖然無講慢煮牛係咩部位同落單果陣幾多成熟，上碟嘅時間就見到係切好晒砌，擺盤擺得靚靚，見到五成熟左右，肉汁豐富，當然肉味係無貴價牛咁濃，但二百蚊食到呢個質素已經非常唔錯，而上碟有埋芥辣，配薯角食好唔錯。黑松露意粉非常香，一黎己經聞到好濃嘅黑松露味，而溫泉蛋都岩岩好流心，份量都唔細而且偏多汁，岩我口味，但一個人食呢碟意粉應該係會食滯。而且店員態度非常好，一個好香港人嘅食店，而且坐得又舒服。可惜當日比較飽，如果唔係想試下佢啲壽司係咪都咁高質。