Video
Read full review
2019-07-17
442 views
朋友住沙田圍，見到呢間西餐廳都開左幾耐下，一直未得閒去試，我黎開沙田就順道一齊去食左個晚餐。環境裝修挺別緻，感覺也很干淨。同普通西餐廳格調差唔多，招呼亦都好好。晚餐時段人流開始多小小，但總括環境十分乾淨舒適。同店名一樣，主食seafood and steak，餐牌上都有唔少選擇揀。小食，沙律同飲品都有供應。因為我地比較鍾意食海鮮同埋想食飯落肚，所以叫左呢個烤海鮮墨魚汁意大利飯（$148）。裡面有青口，兩份大蝦同帶子，size都唔算細。上面帶一層芝士片輕輕隔開飯同海鮮。軟軟的芝士片可以拌落飯到一齊食，意大利飯味道濃郁，非常creamy。有少少芝士粉調味，但亦然食得出海鮮既味道。配上濃郁既飯底，一個飯都會食得好飽下。香辣烤雞翅（$68）佢係半隻雞翼一件，食起來比較方便。雖然寫係香辣，但本人覺得辣味唔重，正常人都接受到。雞肉肉質唔老，外脆內軟，算得上開胃小食。最後叫左個甜品香橙梳乎厘（$53）。香橙味好濃，暖度亦剛剛好，份量不少，兩位女生可以share同一個甜品亦覺得夠喉。的確fluffy，特色大概係特別一點既香橙味，有清新既感覺。同平時中上級西餐廳既梳乎厘級數差唔多。佢都有set

環境裝修挺別緻，感覺也很干淨。同普通西餐廳格調差唔多，招呼亦都好好。晚餐時段人流開始多小小，但總括環境十分乾淨舒適。
同店名一樣，主食seafood and steak，餐牌上都有唔少選擇揀。小食，沙律同飲品都有供應。

因為我地比較鍾意食海鮮同埋想食飯落肚，所以叫左呢個烤海鮮墨魚汁意大利飯（$148）。裡面有青口，兩份大蝦同帶子，size都唔算細。上面帶一層芝士片輕輕隔開飯同海鮮。軟軟的芝士片可以拌落飯到一齊食，意大利飯味道濃郁，非常creamy。

有少少芝士粉調味，但亦然食得出海鮮既味道。配上濃郁既飯底，一個飯都會食得好飽下。

香辣烤雞翅（$68）
佢係半隻雞翼一件，食起來比較方便。雖然寫係香辣，但本人覺得辣味唔重，正常人都接受到。雞肉肉質唔老，外脆內軟，算得上開胃小食。

最後叫左個甜品香橙梳乎厘（$53）。香橙味好濃，暖度亦剛剛好，份量不少，兩位女生可以share同一個甜品亦覺得夠喉。的確fluffy，特色大概係特別一點既香橙味，有清新既感覺。同平時中上級西餐廳既梳乎厘級數差唔多。
佢都有set dinner，但今次可能因為兩位女生晚餐輕食，意大利飯亦都飽肚，大概300蚊都食得飽。下次如有機會可能會再試佢既排餐，因為見隔離食都感覺好香。
餐廳位置係沙田圍站過隨道就係，都幾就腳，如果係沙田圍附近想食一餐比較安靜又有質素既西餐，個人覺得間係一間唔錯既選擇。
Post
