M3 Italian (Closed)

好多人都唔知道其實沙田圍站即係河畔花園嗰邊附近有好多嘢食，因為一講起沙田大家應該淨係會諗起新城市廣場。 今次我就去咗沙田圍站附近有一間意大利餐廳，呢間餐廳唔淨止食意大利嘢其實西餐有嘅嘢佢都有。 今次我哋去食因為知道佢星期一至四夜晚都有十蚊生蠔，只要叫滿200蚊就可以加十蚊一隻嘅生蠔， 於是我同男朋友去食嘅時候就要咗半打。 跟住我哋冇人叫咗一個set dinner，佢就叫咗美國肉眼扒， 我就叫咗個德國豬手。 Set dinner包埋一個頭盤一個湯同埋一個甜品，我嗌咗個龍蝦湯，都幾好飲唔係出面嗰啲非常之鹹嘅龍蝦湯。 頭盤都有驚喜，我哋要咗哈蜜瓜parma ham，哈蜜瓜好新鮮好甜。咸豬手整體嚟講皮脆肉嫩， 只係有部分邊緣位置比較乾， 但係都好好食唔會太鹹。 西冷牛我哋要咗七成熟， 個份量都好足夠，我哋兩個人都食得好飽， 最值得一提嘅就係佢哋個半點有烤焗原個蒜頭，都係啲認真嘅西餐廳先至會咁樣做。而且佢哋好著重幫你整理枱上麵食完嘅器具，唔好以為沙田真係一啲落後嘅地方， 我覺得呢一間餐廳認真嘅程度絕對比美好多老牌子嘅扒房。最後仲有一個藍莓焦糖燉蛋，為我哋呢一餐畫上一個月美嘅句號。